Gerðabók Føroya Løgtings fyri tingsetuna 1998 | ||
14. fundur |
mikudagur 21. oktober 1998 |
kl. 10.00 |
Ár 1998, mikudagin 21. oktober, kl. 10.00 varð tingfundur settur.
Løgtingsmenninir Eyðun Viderø, Bjarni Djurholm, Rúna Sivertsen, Jógvan við Keldu, Vilhelm Johannesen, Mikkjal Sørensen, Heðin Mortensen, Marjus Dam, Heini O. Heinesen, Annita á Fríðriksmørk og Hergeir Nielsen, landsstýrismenninir Høgni Hoydal, Karsten Hansen, John Petersen, Signar á Brúnni og Eyðun Elttør og ríkisumboðsmaðurin vóru ikki á fundi.
Farloyvi:
Skriv, dagfest 21. oktober 1998, frá Lisbeth L. Petersen um farloyvi vegna luttøku á ST-aðalfundi, og at næsti maður á lista Sambandsfloksins í Suðurstreymoyar valdømi tekur sæti á tingi. Samtykt uttan atkvøðugreiðslu at Eilif Samuelsen, ið áður hevur verið á tingi, skal taka sæti fyri Lisbeth L. Petersen.Formaðurin fráboðaði fyrispurning nr. 100-6/1998 til Helenu Dam á Neystabø, landsstýrismann, frá Kristian Magnussen, løgtingsmanni, viðvíkjandi barnaansingarviðurskiftum.
1. Framløga.
Fíggjarnevndin legði fram álit í tingmálunum nr. 1-3/1998: Uppskot til eykajáttanarlóg fyri oktober 1998, nr. 8/1998: Uppskot til løgtingslóg um Føroya Realkreditstovn (Realin) og nr. 9/1998: Uppskot til løgtingslóg um umsiting av gjaldførislánum.
Uttanlandsnevndin legði fram álit í tingmálunum nr. 13/1998: Góðkenning av ST sáttmála um forboð móti kjarnorkuroyndarspreingingum, nr. 14/1998: Handilssáttmáli við Estland og nr. 15/1998: Góðkenning av Millumlandasáttmála um Havumhvørvisvernd fyri Landnyrðingsatlantshav (Convention for the Protection of the Marine Environment of the North-East Atlantic).
Formaðurin setti næsta fund at verða fríggjadagin 23. oktober 1998 kl. 10.00 við hesi dagsskrá:
- Atkvøðugreiðsla um fyrispurning nr. 100-6/1998 til Helenu Dam á Neystabø, landsstýrismann, frá Kristian Magnussen, løgtingsmanni, viðvíkjandi barnaansingarviðurskiftum.
- 2. viðgerð av tingmáli nr. 1-3/1998: Uppskot til eykajáttanarlóg fyri oktober 1998.
- 2. viðgerð av tingmáli nr. 8/1998: Uppskot til løgtingslóg um Føroya Realkreditstovn (Realin).
- 2. viðgerð av tingmáli nr. 9/1998: Uppskot til løgtingslóg um umsiting av gjaldførislánum.
- 2. viðgerð av tingmáli nr. 13/1998: Góðkenning av ST sáttmála um forboð móti kjarnorkuroyndarspreingingum.
- 2. viðgerð av tingmáli nr. 14/1998: Handilssáttmáli við Estland.
- 2. viðgerð av tingmáli nr. 15/1998: Góðkenning av Millumlandasáttmála um Havumhvørvisvernd fyri Landnyrðingsatlantshav (Convention for the Protection of the Marine Environment of the North-East Atlantic).
- 2. viðgerð av tingmáli nr. 16-1/1998: Grannskoðan av almennum roknskapum - landsroknskapir 1992-1994.
- Framløga.
Fundur lokin kl. 10.20
Finnbogi Ísakson
løgtingsformaður
/Marius Rein
skrivari