Ár 1998, fríggjadagin 9. oktober, kl. 10.00 varð tingfundur settur.

Løgtingsmenninir Óli Breckmann, Bjarni Djurholm, Rúna Sivertsen, Jógvan við Keldu, Mikkjal Sørensen, Marjus Dam, Jákup Sverri Kass og Sámal Petur í Grund, landsstýrismenninir Signar á Brúnni og Eyðun Elttør og ríkisumbðsmaðurin vóru ikki á fundi.

Til viðgerðar:

1. Atkvøðugreiðsla um fyrispurning nr. 100-5/1998 til Finnboga Arge, landsstýrismann, frá Sámal Petur í Grund, løgtingsmanni, viðvíkjandi Skálafjarðarleiðini.
   Samtykt uttan atkvøðugreiðslu, at fyrispurningurin skal svarast.

2. 1. viðgerð av tingmáli nr. 1-3/1998: Uppskot til eykajáttanarlóg fyri oktober 1998.
   Málið beint í fíggjarnevndina.

3. 1. viðgerð av tingmáli nr. 14/1998: Handilssáttmáli við Estland.
   Málið beint í uttanlandsnevndina.

4. 1. viðgerð av tingmáli nr. 15/1998: Góðkenning av Millumlanda-sáttmála um Havumhvørvisvernd fyri Landnyrðingsatlantshav (Convention for the Protection of the Marine Environment of the North-East Atlantic).
   Málið beint í uttanlandsnevndina.

5. 1. viðgerð av tingmáli nr. 16-1/1998: Grannskoðan av almennum roknskapum - landsroknskapir 1992-1994.
   Málið beint beinleiðis til 2. viðgerð.

Formaðurin boðaði frá, at næsti tingfundur verður lýstur í útvarpinum.

Fundur lokin kl. 12.25

Finnbogi Ísakson
løgtingsformaður

                                                            /Marius Rein
                                                        skrivari