Gerðabók Føroya Løgtings fyri tingsetuna 1998 | ||
9. fundur |
mánadagur 30. september 1998 |
kl. 10.00 |
Ár 1998, mikudagin 30. september, kl. 10.00 varð tingfundur settur.
Løgtingsmenninir Eyðun Viderø, Dan Reinert Petersen, Henrik Old, Marjus Dam, Jógvan Durhuus og Eyðun Elttør, landsstýrismaður, vóru ikki á fundi.
Farloyvi:
Skriv frá Lisbeth L. Petersen, dagfest 28. september 1998, um farloyvi og at næsti maður á lista Sambandsfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Eilif Samuelsen, ið áður hevur verið á tingi, tekur sæti á tingi fyri Lisbeth L. Petersen.Skriv frá Finni Helmsdal, dagfest 14. september 1998, um farloyvi og at næsti maður á lista Tjóðveldisfloksins í Suðurstreymoyar valdømi tekur sæti á tingi. Formaðurin heitti á løgtingsmenninar Alfred Olsen, Vilhelm Johannesen og Sámal Petur í Grund um at kanna valbrøvini fyri Tjóðveldisflokkin í Suðurstreymoy. Alfred Olsen mælti til, vegna seg sjálvan Vilhelm Johannesen og Sámal Petur í Grund, at Hildur Patursson tekur sæti á tingi fyri Finn Helmsdal.
Samtykt uttan atkvøðugreiðslu.Til viðgerðar:
Framløga.
Karsten Hansen, landsstýrismaður, legði vegna landsstýrið fram tingmálini nr. 1-1/1998: Uppskot til fíggjarløgtingslóg fyri 1999, nr. 8/1998: Uppskot til løgtingslóg um Føroya Realkreditstovn (Realin) og nr. 9/1997: Uppskot til løgtingslóg um umsiting av gjaldførislánum.
John Petersen, landsstýrismaður, legði vegna landsstýrið fram tingmálini nr. 10/1998: Uppskot til løgtingslóg um broyting í løgtingslóg um Føroyska Altjóða Skipaskrá, nr. 11/1998: Uppskot til løgtingslóg um broyting í løgtingslóg um bjargingarútgerð á opnum bátum og á førum undir 20 tons (BRT/GT) og nr. 12/1998: Uppskot til løgtingslóg um avtøku av løgtingslóg um Vaktar- og bjargingartænastuna.
Løgmaður legði vegna landsstýrið fram tingmál nr. 13/1998: Góðkenning av ST sáttmála um forboð móti kjarnorkuroyndarspreingingum.
Uttanlandsnevndin legði fram álit í tingmáli nr. 5/1998: Uppskot til samtyktar um ríkisrættarligu støðu Føroya.
Rættarnevndin legði fram álit í tingmáli nr. 6/1998: Uppskot til løgtingslóg um setan av stjórnarskipanarnevnd.
Formaðurin boðaði frá, at 1. viðgerð av tingmáli nr. 1-1/1998: Uppskot til fíggjarløgtingslóg fyri 1999 verður mikudagin 7. oktober 1998 kl. 10.00.
Formaðurin setti næsta fund at verða fríggjadagin 2. oktober 1998 kl. 10.00 við hesi dagsskrá:
- 2. viðgerð av tingmáli nr. 5/1998: Uppskot til samtyktar um ríkisrættarligu støðu Føroya.
- 2. viðgerð av tingmáli nr. 6/1998: Uppskot til løgtingslóg um setan av stjórnarskipanarnevnd.
- Svar uppá fyrispurning nr. 100-1/1998 til John Petersen, landsstýrismann, frá Henrik Old, løgtingsmanni, viðvíkjandi umsiting av íslandskvotuni.
- Svar uppá fyrispurning nr. 100-2/1998 til Karsten Hansen, landsstýrismann, frá Jenis av Rana, løgtingsmanni, viðvíkjandi støðuni hjá teimum, sum mist hava hús síni í kreppuárunum.
- Svar uppá fyrispurning nr. 100-3/1998 til Helenu Dam á Neystabø, landsstýrismann, frá Jóannes Eidesgaard, løgtingsmanni, viðvíkjandi sjúkraflutningi við tyrlu vetrarhálvuna.
- Framløga.
Fundur lokin kl. 10.55
Finnbogi Ísakson
løgtingsformaður
/Marius Rein
skrivari