Ár 1998, fríggjadagin 28. august, kl. 10.00 varð tingfundur settur.

Løgtingsmaðurin Jógvan við Keldu og landsstýrismaðurin Eyðun Eltør vóru ikki á fundi.

Til viðgerðar:
Skriv frá Torbjørn Jacobsen, dagfest 27. august 1998, um farloyvi frá 28. august og 10 dagar fram, og at næsti maður á lista Tjóðveldisfloksins í Eysturoy skal taka sæti á tingi. Samtykt uttan atkvøðugreiðslu, at Hans Tausen Olsen skal taka sæti á tingi.

Skriv frá Heðin Mortensen, dagfest 27. august 1998, um farloyvi frá 28. august til og við 6. september 1998, og at næsti maður á lista Sambandsfloksins í Suðurstreymoy skal taka sæti á tingi. Formaðurin heitti á løgtingsmenninar Alfred Olsen, Vilhelm Johannesen og Jógvan Durhuus um at kanna valbrøvini fyri Sambandsflokkin í Suðurstreymoy. Jógvan Durhuus mælti til, vegna seg sjálvan Vilhelm Johannesen og Alfred Olsen, at Eilif Samuelsen tekur sæti á tingi fyri Heðin Mortensen.
Samtykt uttan atkvøðugreiðslu.

Skriv frá Rúnu Sivertsen, dagfest 28. august 1998, um farloyvi frá 28. august 1998 og 10 dagar fram, og at næsti maður á lista Fólkafloksins í Norðoyggjum skal taka sæti á tingi. Formaðurin heitti á løgtingsmenninar Hergeir Nielsen, Páll á Reynatúgvu og Jóannes Eidesgaard um at kanna valbrøvini fyri Fólkaflokkin í Norðoyggjum. Páll á Reynatúgvu mælti til, vegna seg sjálvan Hergeir Nielsen og Jóannes Eidesgaard, at Jógvan Lützen tekur sæti á tingi fyri Rúnu Sivertsen.
Samtykt uttan atkvøðugreiðslu.

   1. 3. viðgerð av tingmáli nr. 1-2/1998: Uppskot til eykajáttanarlóg fyri august 1998.
        Uppskotið sum samtykt við 2. viðgerð endaliga samtykt 16-10-0 atkvøðum.
        Málið avgreitt.

    2. Atkvøðugreiðsla um fyrispurning nr. 100-2/1998 til Karstin Hansen, landsstýrismann, viðvíkjandi støðuni hjá teimum,
        sum mist hava hús síni í kreppuárunum ( Jenis av Rana, løgtingsmanni)
        Samtykt uttan atkvøðugreiðslu, at fyrispurningurin skal svarast.

    3. 1. viðgerð av tingmáli nr. 5/1998: Uppskot til samtyktar um ríkisrættarligu støðu Føroya.
        Málið beint í uttanlandsnevndina.

    4. Framløga
        Formaðurin fráboðaði fyrispurningi nr. 100-3/1998 frá Jóannes Eidesgaard til Helenu Dam á Neystabø viðv. sjúkraflutning
        við tyrlu komandi vetrarhálvu.

        Jóannes Eidesgaard legði vegna Javnaðarflokkin fram løgtingsmál nr. 6/1998: Uppskot til løgtingslóg um setan av
         stjórnarskipanarnevnd.

Formaðurin setti næsta fund at verða mánadagin 31.august 1998 kl. 10.00 við hesi dagsskrá:

    1. Atkvøðugreiðsla um fyrispurning nr. 100-3/1998 frá Jóannes Eidesgaard til Helenu Dam á Neystabø viðv. sjúkraflutningi
        við tyrlu komandi vetrarhálvu.

    2. Løgtingsmál nr. 6/1998: Uppskot til løgtingslóg um setan av stjórnarskipanarnevnd.

    3. Framløga.

Fundur lokin kl. 20.00

Finnbogi Ísakson
løgtingsformaður

/ Beinta Joensen
skrivari