Løgtingsins gerðabók fyri tingsetuna 2007

36. fundur

Ár 2007, týsdagin, 27. november, kl. 9.30 varð tingfundur settur.

Løgtingsmenninir Edmund Joensen, Marjus Dam, Heidi Petersen, Høgni Hoydal og Jógvan við Keldu, vegna fund í norðurlendska mentanargrunninum, og Søren Christensen, ríkisumboðsmaðurin vóru ikki á fundi.

Formaðurin las skriv frá løgmanni, dagfest 23. november 2007, har løgmaður ger kunnugt, at hann við gildi frá 23. november 2007 hevur tilnevnt Heðin Zachariasen sum landsstýrismann í innlendismálum samsvarandi § 27, stk. 2 í lógini um stýrisskipan Føroya.

Farloyvi
Skriv frá Heðin Zachariasen, dagfest 26. november 2007 um farloyvi sambært § 62, stk. 2 í tingskipanini, og at næsti maður á lista Fólkafloksins í Norðstreymoyar valdømi tekur sæti á tingi. Samtykt uttan atkvøðugreiðslu, at Ingi Olsen, ið áður hevur verið á tingi, tekur sæti fyri Heðin Zachariasen.

Til viðgerðar:

1.        2. viðgerð av tingmáli nr. 88/2007: Uppskot til ríkislógartilmæli um at seta í gildi fyri Føroyar “lov om aktieselskaber”
Uppskot til ríkislógartilmæli samtykt 22-0-0. Uppskotið fer soleiðis samtykt til 3. viðgerð.
 

2.        2. viðgerð av tingmáli nr. 89/2007: Uppskot til ríkislógartilmæli um at seta í gildi fyri Føroyar ”årsregnskabsloven”
Uppskot til ríkislógartilmæli samtykt 24-0-0. Uppskotið fer soleiðis samtykt til 3. viðgerð.
 

3.        1. viðgerð av tingmáli nr. 85/2007: Uppskot til løgtingslóg um broyting í løgtingslóg um val til Løgtingið
Málið beint í rættarnevndina
 

4.        1. viðgerð av tingmáli nr. 86/2007: Uppskot til løgtingslóg um útleigan av bústøðum (leigulógin)
 

Fundur niðurlagdur kl. 12.01

Fundur uppafturtikin kl. 13.30
 

Málið beint í trivnaðarnevndina
 

5.        1. viðgerð av tingmáli nr. 87/2007: Uppskot til løgtingslóg um broyting í løgtingslóg um tinglýsingargjøld v.m.
Málið beint í fíggjarnevndina
 

6.        1. viðgerð av tingmáli nr. 90/2007: Uppskot til løgtingslóg um at útbyggja kringvarpshúsið í Sortudíki
Málið beint í mentanarnevndina
 

7.        Framløga
Formaðurin boðaði frá, at Edmund Joensen, løgtingsformaður, hevur lagt fram tingmál nr. 96/2007: Uppskot til broyting í Tingskipanini, at løgtingsgrannskoðararnir Hergeir Nielsen, Óli Breckmann, Sverre Midjord og Olav Enomoto hava lagt fram tingmálini nr. 98/2007: Grannskoðan av almennum roknskapum: Landsroknskapurin fyri fíggjarárið 2006, nr. 99/2007: Grannskoðan av almennum roknskapum: Húsalánsgrunnurin fyri fíggjarárið 2006, nr. 104/2007: Grannskoðan av almennum roknskapum: Íbúðagrunnurin fyri fíggjarárið 2006 og nr. 105/2007: Grannskoðan av almennum roknskapum: Bjálvingarstuðulslánsgrunnurin fyri fíggjarárið 2006, at Bjarni Djurholm, landsstýrismaður, vegna landsstýrið hevur lagt fram tingmál nr. 97/2007: Uppskot til løgtingslóg um broyting í løgtingslóg um barsilsskipan. Hesir tingmenn viðmæla, sambært § 54, stk. 2, í tingskipanini, at tingmál nr. 97/2007 kann leggjast fram og fáa viðgerð: Poul Michelsen, Andrias Petersen, John Johannessen, Gerhard Lognberg, Marjus Dam, Asbjørn Djurhuus, Henrik Old, Kaj Leo Johannesen, Kristian Magnussen, Johan Dahl, Alfred Olsen, Jógvan við Keldu, Lisbeth L. Petersen, Jenis av Rana, Óli Breckmann, Jørgen Niclasen, Heðin Zachariasen og Anfinn Kallsberg. Vinnunevndin hevur lagt fram álit í tingmálunum nr. 36/2007: Uppskot til løgtingslóg um fast samband millum Sandoy og Streymoy, nr. 62/2007: Uppskot til løgtingslóg um at seta úr gildi lov nr. 185 af 20. maj 1933 angående privat arbejdsanvisning, nr. 63/2007: Uppskot til løgtingslóg um broyting í løgtingslóg um landsjørð, og nr. 64/2007: Uppskot til løgtingslóg um løggildar og skrásettar grannskoðarar
 

Tikið av dagsskrá:
1. viðgerð av tingmáli nr. 91/2007: Uppskot til løgtingslóg um avgjøld við skráseting av motorakførum

Formaðurin setti næsta fund at verða mikudagin 28. november 2007, kl. 9.30, við hesi dagsskrá:
 

1.        Ófráboðaðir fyrispurningar

2.        1. viðgerð av tingmáli nr. 92/2007: Uppskot til løgtingslóg um tiltøk at minka um tubbaksnýtsluna (tubbakslógin)
Málið verður beint í trivnaðarnevndina

3.        1. viðgerð av tingmáli nr. 100/2007: Uppskot til løgtingslóg um triðja útbjóðingarumfar til leiting eftir og framleiðslu av kolvetnum
Málið verður beint í vinnunevndina

4.        1. viðgerð av tingmáli nr. 103/2007: Uppskot til samtyktar um endurskipan av Húsalánsgrunninum
Málið verður beint í trivnaðarnevndina

5.        1. viðgerð av tingmáli nr. 93/2007: Uppskot til løgtingslóg um broyting í løgtingslóg um stuðul til ferðaútreiðslur
Málið verður beint í fíggjarnevndina

6.        1. viðgerð av tingmáli nr. 94/2007: Uppskot til løgtingslóg um nýggjan tunnil við tilhoyrandi vegasamandi millum Klaksvík/Árnafjørð/Depil
Málið verður beint í vinnunevndina

7.        Framløga  

Fundur lokin kl. 18.20 

Hergeir Nielsen

løgtingsformaður 

/Marius Rein
skrivari