Løgtingsins gerðabók fyri tingsetuna 2007

15. fundur

Ár 2007, týsdagin, 25. september, kl. 9,35 varð tingfundur settur.

Løgtingsmenninir Vilhelm Johannesen, Høgni Hoydal, Tummas í Garði, Jógvan við Keldu og Lisbeth L. Petersen vegna fund í Norðurlandaránum, Kaj Leo Johannesen vegna ST-aðalfund, løgmaður og ríkisumboðsmaðurin vóru ikki á fundi.

Til viðgerðar:
 

1.      Atkvøðugreiðsla um fyrispurning nr. S-16/2007 til Bjarna Djurholm, landsstýrismann, frá Kára P. Højgaard, løgtingsmanni, viðvíkjandi vegagerð gjøgnum Leirvík
Samtykt uttan atkvøðugreiðslu, at fyrispurningurin skal svarast.
 

2.      Atkvøðugreiðsla um fyrispurning nr. S-17/2007 til Magna Laksáfoss, landsstýrismann, frá Høgna Hoydal, løgtingsmanni, viðvíkjandi møguligum holum í kapitalvinningsskattalógini
Samtykt uttan atkvøðugreiðslu, at fyrispurningurin skal svarast.
 

3.      Atkvøðugreiðsla um fyrispurning nr. S-18/2007 til Magna Laksáfoss, landsstýrismann, frá Høgna Hoydal, løgtingsmanni, viðvíkjandi føroyska gjaldsjavnanum mótvegis útheiminum
Samtykt uttan atkvøðugreiðslu, at fyrispurningurin skal svarast.
 

4.      Atkvøðugreiðsla um fyrispurning nr. S-19/2007 til Jógvan á Lakjuni, landsstýrismann, frá Tórbjørn Jacobsen, løgtingsmanni, viðvíkjandi millumbylgjusendaranum
Samtykt uttan atkvøðugreiðslu, at fyrispurningurin skal svarast.
 

5.      Aðalorðaskifti um tingmál nr. F-2/2007: Frágreiðing sambært § 51, stk 4 í tingskipanini til aðalorðaskifti um endurskoðan av gymnasialu miðnámsútbúgvingunum
Málið avgreitt
 

6.      1. viðgerð av tingmáli nr. 15/2007: Uppskot til samtyktar um vakstraravtalu fyri Suðuroynna
Málið beint í  rættarnevndina

7.      Framløga
Formaðurin boðaði frá, at Bjarni Djurholm, landsstýrismaður, vegna landsstýrið hevur lagt fram tingmál nr. 32/2007: Uppskot til løgtingslóg um broyting í løgtingslóg um framleiðslu, flutning og veiting av ravmagni.
 

Tikið av dagsskrá: 

1. viðgerð av tingmáli nr. 16/2007: Uppskot til samtyktar um at skipa tjóðarlundir í Føroyum.

Formaðurin fráboðaði skrivligan fyrispurning nr. S-20/2007 til Hans Paula Strøm, landsstýrismann, frá Jenis av Rana, løgtingsmanni, viðvíkjandi bíðitíð til viðgerðir í føroyska sjúkrahúsverkinum
 

Formaðurin setti næsta fund at verða mikudagin 26. september 2007, kl. 9.30, við hesi dagsskrá:
 

1.      Atkvøðugreiðsla um skrivligan fyrispurning nr. S-20/2007 til Hans Paula Strøm, landsstýrismann, frá Jenis av Rana, løgtingsmanni, viðvíkjandi bíðitíð til viðgerðir í føroyska sjúkrahúsverkinum

2.      Munnligir fyrispurningar

3.      Framløga 

Fundur lokin kl. 17.25 

Edmund Joensen

løgtingsformaður

/Marius Rein
skrivari