Løgtingsins gerðabók fyri tingsetuna 2007

13. fundur

Ár 2007, mikudagin, 19. september, kl. 9,30 varð tingfundur settur.

Løgtingsmenninir Páll á Reynatúgvu, Kaj Leo Johannessen, og Andrias Petersen, landsstýrismenninir Jacob Vestergaard og Jógvan á Lakjuni og ríkisumboðsmaðurin vóru ikki á fundi.

Til viðgerðar:

1.    Ófráboðaðir fyrispurningar
 

2.    Atkvøðugreiðsla um fyrispurning nr. S-13/2007 til Jacob Vestergaard, landsstýrismann, frá John Johannessen, løgtingsmanni, viðvíkjandi oljudálkingum
Samtykt uttan atkvøðugreiðslu, at fyrispurningurin skal svarast.
 

3.    Vegna Jógvan á Lakjuni, landsstýrismann, legði Bjarni Djurholm, landsstýrismaður fram tingmál nr. F-2/2007:  Frágreiðing sambært § 51, stk. 4 í tingskipanini um endurskoðan av gymnasialu miðnámsútbúgvingunum
 

4.    Svar upp á fyrispurning nr. S-3/2007 til Hans Paula Strøm, landsstýrismann frá  Annitu á Fríðriksmørk, løgtingsmanni, viðvíkjandi støði á sambýlum hjá teimum við menningartarni
Málið avgreitt
 

5.    Svar upp á fyrispurning nr. S-4/2007 til Hans Paula Strøm, landsstýrismann, frá Annitu á Fríðriksmørk, løgtingsmanni, viðvíkjandi støðuni hjá teimum við menningartarni
Málið avgreitt
Samtykt við 22-0-0 atkvøðum, at fyrispurningarnir nr. S-3/2007 og S-4/2007 skuldu svarast undir einum
 

6.    Framløga
Formaðurin boðaði frá, at løgmaður vegna landsstýrið hevur lagt fram tingmál nr. 29/2007: Uppskot til samtyktar um at seta í gildi Kyotosáttmálan

Formaðurin fráboðaði hesar skrivligu fyrispurningar:
Nr. S-14/2007 til Hans Paula Strøm, landsstýrismann, frá Annitu á Fríðriksmørk, løgtingsmanni, viðvíkjandi landssjúkrahúsinum
nr. S-15/2007 til Hans Paula Strøm, landsstýrismann, frá Finni Helmsdal, løgtingsmanni, viðvíkjandi leiðbeining um vard størv

Formaðurin setti næsta fund at verða fríggjadagin 21. september 2007, kl. 9.30, við hesi dagsskrá:

 

1.      Atkvøðugreiðsla um fyrispurning nr. S-14/2007 til Hans Paula Strøm, landsstýrismann, frá Annitu á Fríðriksmørk, løgtingsmanni, viðvíkjandi landssjúkrahúsinum

2.      Atkvøðugreiðsla um fyrispurning nr. S-15/2007: til Hans Paula Strøm, landsstýrismann, frá Finni Helmsdal, løgtingsmanni, viðvíkjandi leiðbeining um vard størv

3.      1. viðgerð av tingmáli nr. 29/2007: Uppskot til samtyktar um at seta í gildi Kyotosáttmálan
Málið verður beint í uttanlandsnevndina

4.      1. viðgerð av tingmáli nr. 23/2007: Uppskot til løgtingslóg um broyting í løgtingslóg um Landsjørð
 Málið verður beint í vinnunevndina

5.      Framløga 

Fundur lokin kl.12.45

Edmund Joensen

løgtingsformaður

/Beinta Isaksen
skrivari