Løgtingsins gerðabók fyri tingsetuna 2007

6. fundur

Ár 2007, hósdagin, 16. august, kl. 10.15, varð tingfundur settur.

Løgtingsmennir Lisbeth L. Petersen, Marjus Dam, Henrik Old og Annita á Fríðriksmørk, Jóannes Eidesgaard, løgmaður, landsstýrismenninir Hans Pauli Strøm, Bjarni Djurholm, Jógvan á Lakjuni og Jacob Vestergaard og Søren Christensen, ríkisumboðsmaður, vóru ikki á fundi.

Til viðgerðar:

1.      Atkvøðugreiðsla um skrivligan fyrispurning nr. S-3/2007  til Hans Paula Strøm, landsstýrismann í almanna og heilsumálum, frá Annitu á Fríðriksmørk, løgtingsmanni, viðvíkjandi støði á sambýlum hjá teimum við menningartarni
Samtykt uttan atkvøðugreiðslu, at fyrispurningurin skal svarast.
 

2.      Atkvøðugreiðsla um skrivligan fyrispurning nr. S-4/2007 til Hans Paula Strøm, landsstýrismann í almanna og heilsumálum, frá Annitu á Fríðriksmørk, løgtingsmanni, viðvíkjandi støðuni hjá teimum við menningartarni
Samtykt uttan atkvøðugreiðslu, at fyrispurningurin skal svarast.
 

3.      3. viðgerð av tingmáli nr. 1/2007: Uppskot til løgtingslóg um broyting í løgtingslóg um vinnuligan fiskiskap
Uppskot frá Bill Justinussen um at beina málið aftur í nevnd fall 9-0-18.  Broytingaruppskot frá Bill Justinussen, Karsten Hansen Jenis av Rana og Kára P. Højgaard til § 1 fall 4-0-23. Broytingaruppskot frá Johan Dahl, Gerhard Lognberg, Kjartan Joensen og Heðin Zachariasen til § 1 samtykt 16-0-11. Uppskotið, sum samtykt við 2. viðgerð, og soleiðis broytt við 3. viðgerð, endaliga samtykt 27-0-0.
Málið avgreitt
 

4.      1. viðgerð av tingmáli nr. 4/2007: Uppskot til løgtingslóg um tryggingarvirksemi
Málið beint í vinnunevndina.
 

5.      Framløga
Formaðurin boðaði frá, at Edmund Joensen, løgtingsformaður, hevur lagt fram tingmál nr. 5/2007: Uppskot til løgtingslóg um broyting í løgtingslóg um val til Føroya Løgting, at løgtingsmenninir Finnur Helmsdal og Bill Justinussen hava lagt fram tingmál nr. 6/2007: Uppskot til samtyktar um studningslán til bústaðir til fólk við skerdum førleika, og at fíggjarnevndin hevur lagt fram álit í tingmáli nr. 2/2007: Uppskot til eykajáttanarløgtingslóg fyri juli 2007

Formaðurin setti næsta fund at verða týsdagin 4. september 2007, kl. 9.30, við hesi dagsskrá:
 

1.      2. viðgerð av tingmáli nr. 2/2007: Uppskot til eykajáttanarløgtingslóg fyri juli 2007

2.      1. viðgerð av tingmáli nr. 3/2007: Uppskot til samtyktar um at luta út partabrøv í Føroya Banka til Føroya fólk
Málið verður beint í fíggjarnevndina

3.      1. viðgerð av tingmáli nr. 5/2007: Uppskot til løgtingslóg um broyting í løgtingslóg um val til Føroya Løgting
Málið verður beint í rættarnevndina

4.      Framløga 

Fundur lokin kl. 12.40 

Edmund Joensen

løgtingsformaður

/Marius Rein
skrivari