Løgtingsins gerðabók fyri
tingsetuna 2006
1. fundur
Ár 2006, ólavsøkudag, kl. 13.00, varð tingfundur
settur.
Vilhelm Johannesen,
løgtingsmaður, var ikki á fundi.
Løgtingsformaðurin lýsti tingsetuna 2006 at vera
setta sambært § 10 í stýrisskipanarlógini.
Farloyvi:
Skriv frá
Bill Justinussen, løgtingsmanni,
dagfest tann 20. juli 2006, við umsókn um farloyvi frá 29. juli 2006 og 10
dagar fram, og at næstvaldi á lista Miðfloksins í Eysturoyar valdømi tekur sæti
á tingi. Samtykt uttan atkvøðugreiðslu, at
Vinjard Johansen, ið áður hevur verið á tingi, tekur sæti fyri
Bill Justinussen.
Formaðurin bar fram
minningarorð um Petur Christiansen, fyrrverandi løgtingsmann, ið andaðist tann
9. mai 2006, og tingmenn mintust hann í tøgn.
Til viðgerðar:
2.
Framløga.
Formaðurin boðaði frá, at Bjørn Kalsø,
landsstýrismaður, vegna landsstýrið
hevur lagt fram tingmál nr.
2/2006: Uppskot til løgtinglóg um broyting í løgtingslóg um vinnuligan
fiskiskap, at Jenis av Rana, løgtingsmaður, vegna Miðflokkin hevur lagt fram
tingmálini nr.
3/2006: Uppskot til samtyktar um rætt til løn undir fráveru vegna sjúku hjá
børnum, og nr.
4/2006: Uppskot til løgtingslóg um broyting í løgtingslóg um áseting og
javning av almannaveitingum, at
Kári P.
Højgaard, løgtingsmaður,
vegna Sjálvsstýrisflokkin hevur lagt fram tingmál nr.
1-2/2006: Uppskot til eykajáttanarløgtingslóg fyri
august 2006, og at løgtingsmenninir Heidi
Petersen og Tórbjørn Jacobsen, vegna Tjóðveldisflokkin, hava lagt fram
tingmál nr.
5/2006: Uppskot til løgtingslóg um broyting í løgtingslóg um vinnuligan
fiskiskap.
Formaðurin setti næsta fund at verða mikudagin, 2.
august 2006, kl. 9.00, við hesi dagsskrá:
1. Umrøða av
løgmansrøðuni á ólavsøku.
2. Framløga.
Fundur lokin kl. 13.40
Edmund Joensen
løgtingsformaður
/Marius Rein
skrivari