Løgtingsins gerðabók fyri tingsetuna 2004

38. fundur

Ár 2005, mikudagin 26. januar kl. 13.35 varð tingfundur settur.

Løgtingsmenninir Anfinn Kallsberg, Jørgen Niclasen og Kári P. Højgaard  vóru ikki á fundi.

Til viðgerðar:

1.      Munnligir fyrispurningar
 

2.      1. viðgerð av tingmáli nr. 28/2004: Uppskot til ríkislógartilmæli um at seta í gildi lógina um millumtjóða revsidómstólin
Málið beint í uttanlandsnevndina.
 

3.      Hans Pauli Strøm, landsstýrismaður, svaraði fyrispurningi nr. 100-17/2004 frá Finni Helmsdal, løgtingsmanni, viðvíkjandi skiftisupp­hædd hjá fyritíðarpensjónistum, javning og øðrum
 

4.      Framløga
Formaðurin boðaði frá, at tingmenninir Henrik Old, Alfred Olsen, Poul Michelsen, Kári P. Højgaard, Høgni Hoydal og Jenis av Rana, vegna seg sjálvar, hava lagt fram tingmál nr. 29/2004: Uppskot til samtyktar um tilráðingar frá Útnorðurráðnum í 2003 og 2004 um frágreiðing um virki ráðsins í 2004, at tingmenninir Óli Breckmann og Kári P. Højgaard, vegna seg sjálvar, hava lagt fram tingmál nr. 30/2004: Uppskot til samtyktar um tilráðingar frá Norðurlandaráðnum í 2004 og um frágreiðing um virki ráðsins í 2004, at Kári P. Højgaard, tingmaður, vegna Sjálvstýrisflokkin hevur lagt fram tingmál nr. 31/2004: Uppskot til løgtingslóg um broyting í løgtingslóg um matrikulering og sundurbýti v.m., at Bárður Nielsen, landsstýrismaður, vegna landsstýrið, hevur lagt fram tingmál nr. 32/2004: Upp­skot til løgtingslóg um broyting í løgtingslóg um Toll- og Skattafyrisiting,  at Hergeir Nielsen, tingmaður, vegna Tjóðveldisflokkin, hevur lagt fram tingmál nr. 33/2004: Uppskot til  løgtingslóg um at byggja umsitingarbygning á Krambatanga á Trongisvágsfirði, og at Kári P. Højgaard, tingmaður, vegna Sjálvstýrisflokkin, hevur lagt fram tingmál nr. 34/2004: Uppskot til samtyktar um umboðan Føroya á Fólkatingi.

Formaðurin fráboðaði hesar fyrispurningar:

Nr. 100-18/2004 til Hans Paula Strøm, landsstýrismann, frá Annitu á Fríðriksmørk, løgtingsmanni, viðvíkjandi tilboði til allar kvinnur í Føroyum til mammografikanningar, og

nr. 100-19/2004 til Jóannes Eidesgaard, løgmann, frá Finni Helmsdal, løgtingsmanni, viðvíkjandi tí at niðurstøður hjá Løgtingsins Umboðsmanni ikki elva til avleiðingar

Formaðurin setti næsta fund at verða mikudagin, 2. februar 2005, kl. 13.30 við hesi dagsskrá:

1.      Ófráboðaðir fyrispurningar

2.      Atkvøðugreiðsla um fyrispurning nr. 100-18/2004 til Hans Paula Strøm, landsstýrismann, frá Annitu á Fríðriksmørk, løgtingsmanni, við­víkjandi tilboði til allar kvinnur í Føroyum til mammografikanningar

3.      Atkvøðugreiðsla um fyrispurning nr. 100-19/2004 til Jóannes Eidesgaard, løgmann, frá Finni Helmsdal, løgtingsmanni, viðvíkjandi tí at niðurstøður hjá Løgtingsins Umboðsmanni ikki elva til avleiðingar

4.      1. viðgerð av tingmáli nr. 32/2004: Uppskot til løgtingslóg um broyting í løgtingslóg um Toll- og Skattafyrisiting
Málið verður beint í fíggjarnevndina.

5.      1. viðgerð av tingmáli nr. 31/2004: Uppskot til løgtingslóg um broyting í løgtingslóg um matrikulering og sundurbýti v.m.
Málið verður beint í vinnunevndina.

6.      1. viðgerð av tingmáli nr. 34/2004: Uppskot til samtyktar um umboðan Føroya á Fólkatingi

7.      Framløga

 

Fundur lokin kl. 18.23 

Edmund Joensen

løgtingsformaður

/Beinta Isaksen

skrivari