Ár 2003, fríggjadagin 2. mai kl. 20.10, varð tingfundur settur.

Finnur Helmsdal, løgtingsmaður, Anfinn Kallsberg, løgmaður, landsstýrismenninir Jacob Vestergaard, Høgni Hoydal, Karsten Hansen og Páll á Reynatúgvu, og Birgit Kleis, ríkisumboðsmaður, vóru ikki á fundi.

Til viðgerðar:

1. 3. viðgerð av tingmáli nr. 1-8/2002: Uppskot til eykajáttanarlóg fyri mars 2003 - 2.
   Uppskotið, sum samtykt við 2. viðgerð, endaliga samtykt 31-0-0.
   Málið avgreitt.
   

Formaðurin boðaði frá, at nú eru ikki fleiri mál at viðgera, og um einki serligt mál kemur, so verður ikki tingfundur aftur fyrrenn á ólavsøku. Hann segði, at tingið síðani á ólavsøku 2002 hevur havt 88 fundir, ið hava vart 385 tímar. 141 mál eru framløgd, íroknað 3 frágreiðingar sambært § 51 í tingskipanini. 10 mál eru tikin aftur, og fýra mál eru ikki komin aftur úr nevnd. Hini málini eru øll avgreidd frá tinginum. 45 skrivligir fyrispurningar eru settir og svaraðir. 139 munnligir fyrispurningar eru settir og svaraðir, og ófráboðaðir fyrispurningar vóru á skrá á 5 fundum. Fíggjarnevndin hevur havt 45 fundir, uttanlandsnevndin 21, landsstýrismálanevndin 14, vinnunevndin 46, trivnaðarnevndin 22, mentanarnevndin 15, og rættarnevndin hevur havt 11 fundir. Formaðurin takkaði fyri góðan tingsið og gott samstarv tvørtur um floksmørk og ynskti tingmonnum góða summarfrítíð. 

Fundur lokin kl. 20.20.

Edmund Joensen
løgtingsformaður 

/Marius Rein
skrivari