Ár 2003, fríggjadagin 2. mai kl. 18.25, varð tingfundur settur.

Finnur Helmsdal, løgtingsmaður, Anfinn Kallsberg, løgmaður, og Høgni Hoydal, landsstýrismaður, vóru ikki á fundi.

Til viðgerðar:

1. Atkvøðugreiðsla um tingmál nr. 86/2002: Uppskot til løgtingslóg um landskassaveiting til yrkisútbúgvingarskúlar í Havn, sambært § 32, stk. 3 í tingskipanini, og møgulig 2. viðgerð av málinum.
   Uppskot um, at tingviðgerðin skal halda fram, hóast einki álit er latið, fall 15-0-16.
   
2. 3. viðgerð av tingmáli nr. 113/2002: Uppskot til løgtingslóg um broyting í løgtingslóg um vinnuligan fiskiskap.
   Broytingaruppskot frá Heina O. Heinesen, Jógvan á Lakjuni, Tórbjørn Jacobsen og Kára P. Højgaard til § 1 fall 7-3-21. Uppskotið, sum samtykt við 2. viðgerð, endaliga samtykt 30-0-1.
   Málið avgreitt.
   
3. 3. viðgerð av tingmáli nr. 119/2002: Uppskot til ríkislógartilmæli um avtøku av hernaðarligum revsi- og rættargangslógum og heimarættarlógum.
   Uppskotið, sum samtykt við 2. viðgerð, endaliga samtykt 31-0-0.
   Málið avgreitt.
   
4. 3. viðgerð av tingmáli nr. 121/2002: Uppskot til løgtingslóg um broyting í lóg um almenna forsorg.
   Uppskotið, sum samtykt við 2. viðgerð, endaliga samtykt 31-0-0.
   Málið avgreitt.
   
5. 3. viðgerð av tingmáli nr. 118/2002: Uppskot til løgtingslóg um broyting í løgtingslóg um studningslán til ellis- og røktarheim.
   Uppskotið, sum samtykt við 2. viðgerð, endaliga samtykt 31-0-0.
   Málið avgreitt.
   
6. 2. viðgerð av tingmáli nr. 112A/2002: Uppskot til samtyktar um ógilding av atkvøðugreiðsluni í løgtingsmáli nr. 112/2002: Uppskot til løgtingslóg um mánaðarligan minstaforvinning til útróðrarmenn.
   Uppskot til samtyktar samtykt 28-1-1.
   Málið avgreitt.
   
7. Atkvøðugreiðsla við 2. viðgerð av tingmáli nr. 112/2002: Uppskot til løgtingslóg um mánaðarligan minstaforvinning til útróðrarmenn.
   §§ 1 – 7 fullu 15-0-16. Málið sostatt fallið.
   Málið avgreitt.
   
8. 2. viðgerð av tingmáli nr. 1-8/2002: Uppskot til eykajáttanarlóg fyri mars 2003 - 2.
   Broytingaruppskot frá meirilutanum í fíggjarnevndini, Óla Breckmann, Tórbjørn Jacobsen, Kristinu Háfoss og Kára P. Højgaard, til § 6 samtykt 31-0-0. § 6 soleiðis broytt samtykt 31-0-0. Broytingaruppskot frá meirilutanum í fíggjarnevndini, Óla Breckmann, Tórbjørn Jacobsen, Kristinu Háfoss og Kára P. Højgaard, til § 7 samtykt 31-0-0. § 7 soleiðis broytt samtykt 31-0-0. § 9 samtykt 31-0-0. § 11 samtykt 31-0-0. Broytingaruppskot frá meirilutanum í fíggjarnevndini, Óla Breckmann, Tórbjørn Jacobsen, Kristinu Háfoss og Kára P. Højgaard, til § 20 samtykt 31-0-0. § 20 soleiðis broytt samtykt 31-0-0. Uppskotið soleiðis broytt 31-0-0. Uppskotið fer soleiðis samtykt til 3. viðgerð.
   
9. 2. viðgerð av tingmáli nr. 116/2002: Uppskot til løgtingslóg um broyting í løgtingslóg um vinnuligan fiskiskap.
   Málið tikið aftur av uppskotsstetaranum, Heina O. Heinesen, løgtingmanni.

Formaðurin setti næsta fund at verða fríggjadagin 2. mai 2003, kl. 20.10 við hesi dagsskrá:

1. 3. viðgerð av tingmáli nr. 1-8/2002: Uppskot til eykajáttanarlóg fyri mars 2003 - 2. 

Fundur lokin kl. 20.05.

Edmund Joensen
løgtingsformaður

/Marius Rein
skrivari