Ár 2003, týsdagin 29. apríl kl. 13.30, varð tingfundur settur.

Løgtingsmenninir Katrin Dahl Jakobsen og Jógvan við Keldu, Anfinn Kallsberg, løgmaður, Jacob Vestergaard, landsstýrismaður, og Birgit Kleis, ríkisumboðsmaður, vóru ikki á fundi.

Til viðgerðar:

1. 3. viðgerð av tingmáli nr. 66/2002: Uppskot til løgtingslóg um broyting í løgtingslóg um áseting av skatti til landskassan.
   Uppskotið, sum samtykt við 2. viðgerð, endaliga samtykt 19-0-0.
   Málið avgreitt.
   
2. 3. viðgerð av tingmáli nr. 67/2002: Uppskot til løgtingslóg um broyting í løgtingslóg um landsskatt og kommunuskatt.
   Uppskotið, sum samtykt við 2. viðgerð, endaliga samtykt 19-0-0.
   Málið avgreitt.
   
3. 3. viðgerð av tingmáli nr. 81/2002: Uppskot til løgtingslóg um nevnd at geva løgmanni tilmæli um samsýningar og eftirløn landsstýrismanna.
   Uppskotið, sum samtykt við 2. viðgerð, endaliga samtykt 15-0-13.
   Málið avgreitt.
   
4. 2. viðgerð av tingmáli nr. 74/2002: Uppskot til løgtingslóg um broyting í løgtingslóg um dagpening vegna sjúku v.m.
   Broytingaruppskot frá minnilutanum í trivnaðarnevndini, Rúna Hentze, Jørgen Niclasen og Jenis av Rana, til § 1 samtykt 15-0-13.
   Uppskotið soleiðis broytt samtykt 28-0-0.
   Uppskotið fer soleiðis samtykt til 3. viðgerð.
   
5. 2. viðgerð av tingmáli nr. 1-9/2002: Uppskot til eykajáttanarlóg fyri apríl 2003.
   Uppskotið frá Kristinu Háfoss um at beina málið aftur í nevnd samtykt 26-0-0.
   Málið varð beint aftur í fíggjarnevndina.
   
6. 2. viðgerð av tingmáli nr. 112/2002: Uppskot til løgtingslóg um mánaðarligan minstaforvinning til útróðrarmenn.
   §§ 1 – 7 fullu 14-0-14.
   Uppskotið sostatt fallið
   Málið avgreitt.
   
7. 2. viðgerð av tingmáli nr. 117/2002: Uppskot til løgtingslóg um broyting í løgtingslóg um ferðslu.
   §§ 1 og 2 fullu 10-0-17.
   Uppskotið sostatt fallið.
   Málið avgreitt.
   
8. 2. viðgerð av tingmáli nr. 120/2002: Uppskot til løgtingslóg um at byggja miðnámsskúla í Suðuroy.
   §§ 1 og 2 samtyktar 23-0-0.
   Uppskotið fer soleiðis samtykt til 3. viðgerð.
   
9. Høgni Hoydal, landsstýrismaður, svaraði fyrispurningi nr. 100-42/2002 frá Finnleif Guttesen, løgtingsmanni, (Johan Dahl) viðvíkjandi útreiðslubýtinum millum land og kommunur.
   Málið avgreitt.

Formaðurin setti næsta fund at verða mikudagin 30. apríl 2003, kl. 13.30 við hesi dagsskrá:

1. Munnligir fyrispurningar.
2. Atkvøðugreiðsla um tingmál nr. 86/2002: Uppskot til løgtingslóg um landskassaveiting til yrkisútbúgvingarskúlar í Havn, sambært § 32, stk. 3 í tingskipanini, og møgulig 2. viðgerð av málinum.
3. 2. viðgerð av tingmáli nr. 60/2002: Uppskot til løgtingslóg um Grundlógarnevnd
4. 2. viðgerð av tingmálunum nr. 103/2002: Uppskot til løgtingslóg um búnaðargrunn og 104/2002: Uppskot til løgtingslóg landsjørð.
5. 2. viðgerð av tingmáli nr. 106/2002: Uppskot til løgtingslóg um at seta úr gildi løgtingslóg um stuðul til uppihaldspening.
6. 2. viðgerð av tingmáli nr. 113/2002: Uppskot til løgtingslóg um broyting í løgtingslóg um vinnuligan fiskiskap.
7. 2. viðgerð av tingmáli nr. 119/2002: Uppskot til ríkislógartilmæli um avtøku av hernaðarligum revsi- og rættargangslógum og heimarættarlógum.
8. 2. viðgerð av tingmáli nr. 121/2002: Uppskot til løgtingslóg um broyting í lóg um almenna forsorg.
9. Svar upp á fyrispurning nr. 100-40/2002 til Páll á Reynatúgvu, landsstýrismann í almannamálum, frá Andrias Petersen, løgtingsmanni, viðvíkjandi einfaldgering av virkseminum á Hjálpartólamiðstøðini.
10. Svar upp á fyrispurning nr. 100-43/2002 til Jacob Vestergaard, landsstýrismann, frá Finnleif Guttesen, løgtingsmanni, viðvíkjandi A-fiskiloyvum hjá pensjónistum.
11. Svar upp á fyrispurningi nr. 100-44/2002 til Jacob Vestergaard, landsstýrismann, frá Kaj Leo Johannesen, løgtingsmanni, viðvíkjandi kravdari avreiðing á uppboðssølu.
12. Framløga.

Fundur lokin kl. 18.40

Edmund Joensen
løgtingsformaður

/Armgarð Godtfred
skrivari