Gerðabók
Løgtingsins fyri tingsetuna 2002 |
68. fundur |
Mánadagur 24. mars 2003 |
kl. 13.30 |
Ár 2003, mánadagin 24. mars kl. 13.30, varð tingfundur settur.
Jógvan við Keldu, løgtingsmaður, og landsstýrismenninir Bjarni Djurholm og Bill
Justinussen vóru ikki á fundi.
Til viðgerðar:
- Atkvøðugreiðsla um fyrispurning nr. 100-41/2002
til Anfinn Kallsberg, løgmann, frá Henrik Old, løgtingsmanni, viðvíkjandi hjálp til
irakiska fólkið.
Samtykt uttan atkvøðugreiðslu, at fyrispurningurin skal svarast.
- 1. viðgerð av tingmáli nr. 106/2002:
Uppskot til løgtingslóg um at seta úr gildi løgtingslóg um uppihaldspening.
Málið beint í trivnaðarnevndina.
- 1. viðgerð av tingmáli nr. 113/2002:
Uppskot til løgtingslóg um broyting í løgtingslóg um vinnuligan fiskiskap.
Málið beint í vinnunevndina.
- 1. viðgerð av tingmáli nr.
81/2002: Uppskot til løgtingslóg um nevnd at geva løgmanni tilmæli um samsýningar
og eftirløn landsstýrismanna.
Málið beint í fíggjarnevndina.
- Framløga.
Formaðurin boðaði frá, at trivnaðarnevndin hevur lagt fram álit í tingmáli nr. 98/2002:
Uppskot til samtyktar um alternativar íbúðamøguleikar.
Tikið av dagsskrá:
1. viðgerð av tingmáli nr. 99/2002:
Uppskot til løgtingslóg um broyting í løgtingslóg um ferðslu.
Formaðurin setti næsta fund at verða týsdagin 25. mars 2003, kl. 13.30 við hesi
dagsskrá:
- 3. viðgerð av tingmáli nr. 68/2002:
Uppskot til løgtingslóg um at seta úr gildi løgtingslóg um stuðul at útbyggja
havnina í Vági.
- 2. viðgerð av tingmáli nr.
44/2002: Uppskot til løgtingslóg um broyting í løgtingslóg um fólka- og
farmaflutning.
- 2. viðgerð av tingmáli nr. 57/2002:
Uppskot til samtyktar um Ískoytissáttmála nr. 13 frá 21. februar 2002 til
Evropiska Sáttmálan um Mannarættindini og Grundleggjandi Frælsini um Fullkomna Avtøku
av Deyðarevsing.
- 2. viðgerð av tingmáli nr. 69/2002:
Uppskot til løgtingslóg um broyting í løgtingslóg um fast samband um
Leirvíksfjørð
- 2. viðgerð av tingmáli nr. 82/2002:
Uppskot til løgtingslóg um broyting í løgtingslóg um skrásetingargjald á
motorakførum v. m.
- 2. viðgerð av tingmáli nr. 83/2002:
Uppskot til løgtingslóg um broyting í løgtingslóg um vektgjald av motorakførum
v.m.
- Svar upp á fyrispurning nr. 100-29/2002
til landsstýrismannin í fiskivinnumálum, frá Rúna Hentze, løgtingsmanni,
viðvíkjandi samanlegging av veiðiloyvum hjá partrolara og lemmatrolara.
- Svar upp á fyrispurning nr. 100-31/2002 til
Bill Justinussen, landsstýrismann í familju og heilsumálum, frá Gerhard Lognberg,
løgtingsmanni, viðvíkjandi læknaviðurskiftunum í Sandoynni.
- Svar upp á fyrispurning nr. 100-28/2002
til Birgit Kleis, ríkisumboðsmann, frá Heðin Mortensen, løgtingsmanni, viðvíkjandi
hernaðarligu revsi- og rættargangslógini
- Framløga.
Fundur lokin kl. 18.30.
Edmund Joensen
løgtingsformaður
/Marius Rein
skrivari