Gerðabók
Løgtingsins fyri tingsetuna 2002 |
60. fundur |
Fríggjadagur 7. mars 2003 |
kl. 10.00 |
Ár 2003, fríggjadagin 7. mars kl. 10.00, varð tingfundur settur.
Løgtingsmenninir Lisbeth L. Petersen, Gerhard Lognberg og Jákup Mikkelsen vóru ikki
á fundi.
Til viðgerðar:
- Akvøðugreiðsla um fyrispurning nr. 100-38/2002
til Høgna Hoydal, landsstýrismann, frá Jógvan við Keldu, løgtingsmanni,
viðvíkjandi arbeiðsbólki í Norðurlandaráðnum í sambandi við málið "Et
handslag til Vestnorden".
Samtykt uttan atkvøðugreiðslu, at fyrispurningurin skal svarast.
- 1. viðgerð av tingmáli nr. 115/2002:
Uppskot til samtyktar um fullgildugan limaskap í Norðurlandaráðnum.
Málið beint í uttanlandsnevndina.
Fundur niðurlagdur kl. 12.15
Fundur uppafturtikin kl. 13.30.
- 1. viðgerð av tingmáli nr. nr. 109/2002:
Uppskot til løgtingslóg um Sjúkrahúsverk Føroya.
Málið beint í trivnaðarnevndina.
- 1. viðgerð av tingmáli nr. 105/2002: Uppskot
til samtyktar viðvíkjandi altjóða støðuni mótvegis Irak.
Málið beint í uttanlandsnevndina.
- Anfinn Kallsberg, løgmaður, svaraði á fyrispurningi nr. 100-27/2002
frá Kristinu Háfoss løgtingsmanni, viðvíkjandi altjóða staðfesting og
viðurkenning av føroyingum sum tjóð við sjálvsavgerðarrætti.
Málið avgreitt.
Tikið av dagsskrá:
1. viðgerð av tingmáli nr. nr.
89/2002: Uppskot til samtyktar um almenn størv í útjaðaranum, og 1. viðgerð av
tingmáli nr. nr.
74/2002: Uppskot til løgtingslóg um broyting í løgtingslóg um dagpening vegna
sjúku v.m.
Formaðurin setti næsta fund at verða mánadagin 10. mars 2003, kl. 10.00 við hesi
dagsskrá:
- 3. viðgerð av tingmáli nr. 42/2002:
Uppskot til løgtingslóg um umsjón, váttanarveitan og eftirlit samsvarandi Sáttmála
Sameindu Tjóða um at banna evnafrøðiligum vápnum.
- 3. viðgerð av tingmáli nr.
59/2002: Uppskot til løgtingslóg um úrgildissetan av løgtingslóg um
handilstiltøk mótvegis uppreistrarrørsluni UNITA í Angola.
- 2. viðgerð av tingmáli nr.
54/2002: Uppskot til løgtingslóg um broyting í løgtingslóg um fólka- og
farmaflutning.
- 2. viðgerð av tingmáli nr. 62/2002:
Uppskot til samtyktar um samhaldsfasta skipan á samferðsluøkinum.
- 1. viðgerð av tingmáli nr. 77/2002:
Uppskot til samtyktar um at kanna møguleikarnar fyri undirsjóvartunli millum
Suðurstreymoy og Sandoynna.
Málið verður beint í vinnunevndina.
- 1. viðgerð av tingmáli nr. 114/2002:
Uppskot til samtyktar um ferðasambandið í Sandoynna.
Málið verður beint í vinnunevndina.
- 1. viðgerð av tingmáli nr.
80/2002: Uppskot um løgtingslóg um skúlatilboð til ung við breki.
Málið verður beint í mentanarnevndina.
- 1. viðgerð av tingmáli nr. 96/2002:
Ríkislógartilmæli um at seta í gildi fyri Føroyar Lóg um endurgjaldsábyrgd.
Málið verður beint í rættarnevndina.
- 1. viðgerð av tingmáli nr. 95/2002:
Uppskot til løgtingslóg um trygging móti avleiðingum av arbeiðsskaða
(Arbeiðsskaðatryggingarlógin).
Málið verður beint í trivnaðarnevndina.
- 1. viðgerð av tingmáli nr. 108/2002:
Uppskot til løgtingslóg um broyting í løgtingslóg um viðgerð av
persónsupplýsingum.
Málið verður beint í rættarnevndina.
- 1. viðgerð av tingmáli nr. 73/2002:
Uppskot til samtyktar um ráðstevnu um samskifti við ES.
Málið verður beint í uttanlandsnevndina.
- Svar upp á fyrispurning nr. 100-29/2002
til landsstýrismannin í fiskivinnumálum, frá Rúna Hentze, løgtingsmanni,
viðvíkjandi samanlegging av veiðiloyvum hjá partrolara og lemmatrolara.
- Svar upp á fyrispurning nr. 100-31/2002
til Bill Justinussen, landsstýrismann í familju og heilsumálum, frá Gerhard Lognberg,
løgtingsmanni, viðvíkjandi læknaviðurskiftunum í Sandoynni.
- Framløga.
Fundur lokin kl. 18.45.
Edmund Joensen
løgtingsformaður
/Marius Rein
skrivari