Ár 2003, mikudagin 5. mars kl. 13.30, varð tingfundur settur.

Løgtingsmenninir Lisbeth L. Petersen, Rúni Hentze og Gerhard Lognberg, og landsstýrismenninir Høgni Hoydal og Páll á Reynatúgvu vóru ikki á fundi.

Til viðgerðar:

1. Ófráboðaðir fyrispurningar.
   
2. Atkvøðugreiðsla um fyrispurning nr. 100-33/2002 til Karsten Hansen, landsstýrismann, frá Heðin Mortensen, løgtingsmanni, viðvíkjandi løgtingslógini um meirvirðisgjald.
   Samtykt uttan atkvøðugreiðslu, at fyrispurningurin skal svarast.
   
3. Atkvøðugreiðsla um fyrispurning nr. 100-34/2002 til Bjarna Djurholm, landsstýrismann, frá Heðin Mortensen, løgtingsmanni, viðvíkjandi flutningi av vandamiklum farmi.
   Samtykt uttan atkvøðugreiðslu, at fyrispurningurin skal svarast.
   
4. Atkvøðugreiðsla um fyrispurning nr. 100-35/2002 til Bjarna Djurholm, landsstýrismann, frá Rúna Hentze, løgtingsmanni, viðvíkjandi lívfiskavirksemi í Sandoynni.
   Samtykt uttan atkvøðugreiðslu, at fyrispurningurin skal svarast.
   
5. Atkvøðugreiðsla um fyrispurning nr. 100-36/2002 til landsstýrismannin í mentamálum, frá Mamy Dahl Sørensen, løgtingsmanni, viðvíkjandi almanna- og heilsuskúlanum.
   Samtykt uttan atkvøðugreiðslu, at fyrispurningurin skal svarast.
   
6. Atkvøðugreiðsla um fyrispurning nr. 100-37/2002 til Jacob Vestergaard, landsstýrismann, frá Tórbjørn Jacobsen, løgtingsmanni, viðvíkjandi innfluttnings- & veiði/fiskiloyvi til fyrrverandi ms. "Ågot/Jógvan S".
   Samtykt uttan atkvøðugreiðslu, at fyrispurningurin skal svarast.
   
7. 2. viðgerð av tingmáli nr. 71-4/2002: Grannskoðan av almennum roknskapum: Føroya Jarðargrunnur fyri fíggjarárið 2001.
   Uppskot til samtyktar samtykt 29-0-0.
   Málið avgreitt.
   
8. 2. viðgerð av tingmáli nr. 71-5/2002: Grannskoðan av almennum roknskapum: Grunnurin fyri Vakstrarhús og Grønmetisframleiðslu fyri fíggjarárið 2001.
   Uppskot til samtyktar samtykt 29-0-0.
   Málið avgreitt.
   
9. 2. viðgerð av tingmáli nr. 50/2002: Uppskot til løgtingslóg um loðsskyldu.
   Uppskot frá Johan Dahl um at beina málið aftur í nevnd fall 13-0-15.
   Broytingaruppskot frá minnilutanum í vinnunevndini, Alfred Olsen og Kaj Leo Johannesen, fall 7-1-20. §§ 1, 2 og 3 fullu 7-0-21. Málið sostatt fallið.
   Málið avgreitt.
   
10. Bjarni Djurholm, landsstýrismaður, svaraði fyrispurningi nr. 100-30/2002 til Bjarna Djurholm, landsstýrismann, frá Mamy Dahl Sørensen, løgtingsmanni, viðvíkjandi samferðslukervinum í Norðoyggjum.
    Málið avgreitt.
    
11. 1. viðgerð av tingmáli nr. 70/2002: Uppskot til løgtingslóg um broyting í løgtingslóg um fuglaveiðu v.m.
    Málið beint í vinnunevndina.
    
12. 1. viðgerð av tingmáli nr. 72/2002: Uppskot til ríkislógartilmæli um avtøku av rættinum til likamliga at revsa børn.
    Málið beint í rættarnevndina.

Formaðurin setti næsta fund at verða hósdagin 6. mars 2002, kl. 13.30 við hesi dagsskrá:

1. 2. viðgerð av tingmáli nr. 42/2002: Uppskot til løgtingslóg um umsjón, váttanarveitan og eftirlit samsvarandi Sáttmála Sameindu Tjóða um at banna evnafrøðiligum vápnum.
2. 2. viðgerð av tingmáli nr. 58/2002: Uppskot til samtyktar um Ískoytissáttmála frá 25. mai 2000 til Sáttmála Sameindu Tjóða um Rættindi Barnanna viðvíkjandi Børnum í Vápnaðum Stríði.
3. 2. viðgerð av tingmáli nr. 59/2002: Uppskot til løgtingslóg um úrgildissetan av løgtingslóg um handilstiltøk mótvegis uppreistrarrørsluni UNITA í Angola.
4. 1. viðgerð av tingmáli nr. 86/2002: Uppskot til løgtingslóg um landskassaveiting til yrkisútbúgvingarskúlar í Havn.
   Málið verður beint í mentanarnevndina.
5. 1. viðgerð av tingmáli nr. 98/2002: Uppskot til samtyktar um alternativar íbúðamøguleikar.
   Málið verður beint í trivnaðarnevndina.
6. 1. viðgerð av tingmáli nr. 102/2002: Uppskot til løgtingslóg um broyting í løgtingslóg um kommunustýri (kommunustýrislógin).
   Málið verður beint í rættarnevndina.
7. 1. viðgerð av tingmáli nr. 105/2002: Uppskot til samtyktar viðvíkjandi altjóða støðuni mótvegis Irak.
   Málið verður beint í uttanlandsnevndina.
8. Svar á fyrispurning nr. 100-27/2002 til Anfinn Kallsberg, løgmann, frá Kristinu Háfoss løgtingsmanni, viðvíkjandi altjóða staðfesting og viðurkenning av føroyingum sum tjóð við sjálvsavgerðarrætti.
9. Svar upp á fyrispurning nr. 100-29/2002 til landsstýrismannin í fiskivinnumálum, frá Rúna Hentze, løgtingsmanni, viðvíkjandi samanlegging av veiðiloyvum hjá partrolara og lemmatrolara.
10. Svar upp á fyrispurning nr. 100-31/2002 til Bill Justinussen, landsstýrismann í familju og heilsumálum, frá Gerhard Lognberg, løgtingsmanni, viðvíkjandi læknaviðurskiftunum í Sandoynni.
11. Framløga.

 Fundur lokin kl. 18.35.

Edmund Joensen
løgtingsformaður

/Marius Rein
skrivari