Gerðabók
Løgtingsins fyri tingsetuna 2002 |
52. fundur |
Mikudagur 19. februar 2003 |
kl. 13.30 |
Ár 2003, mikudagin 19. februar kl. 13.30, varð tingfundur settur.
Løgtingsmenninir Bárður Nielsen, Tórbjørn Jacobsen og Jógvan við Keldu, Eyðun
Elttør, landsstýrismaður, og Birgit Kleis, ríkisumboðsmaður, vóru ikki á fundi.
Formaðurin las skriv frá løgmanni, dagfest 17. februar 2003, har løgmaður boðar
frá, at Jacob Vestergaard er tilnevndur landsstýrismaður í fiskivinnumálum frá 17.
febraur 2003.
Til viðgerðar:
- Munnligir
fyrispurningar.
- Annlis Bjarkhamar, landsstýrismaður, leggur fram løgtingsmál nr. 101-2/2002:
Frágreiðing sambært grein 51, stk. 4 í tingskipanini frá Annlis Bjarkhamar,
landsstýrismanni, um "Tilmæli um sernámsfrøði".
- 2. viðgerð av tingmáli nr. 61/2002:
Ríkislógartilmæli um at seta í gildi fyri Føroyar "Anordning om ikrafttræden
for Færøerne af lov nr. 474 af 12. juni 1996 om ændring af straffeloven (strafansvar
for juridiske personer)".
Uppskot til ríkislógartilmæli samtykt 28-0-0. Uppskotið
fer soleiðis samtykt til 3. viðgerð.
- 2. viðgerð av tingmáli nr. 37/2002:
Uppskot til samtyktar um aðalorðaskifti viðvíkjandi fyrimunum og vansum við
ES-limaskapi.
Uppskot frá Heðin Mortensen o. fl. um at beina málið aftur í nevnd fall 10-0-15. Uppskot til
samtyktar fall 0-6-18.
Uppskotið sostatt fallið.
Málið avgreitt.
- Framløga.
Formaðurin boðaði frá, at Johan Dahl, løgtingsmaður, vegna Sambandsflokkin hevur
lagt fram tingmál nr. 64/2002:
Uppskot til samtyktar um at heita á landsstýrið um at leggja fyri Løgtingið
uppskot til løgtingslóg um skatting av reiðaravirksemi (tonnaguskattalóg), at Bárður
Nielsen, løgtingsmaður, vegna Sambandsflokkin, hevur lagt fram tingmál nr.
65/2002: Uppskot til løgtinglóg um broyting í løgtingslóg um almannapensjónir
o.a., at Karsten Hansen, landsstýrismaður, vegna landsstýrið hevur lagt fram
tingmálini nr. 66/2002:
Uppskot til løgtingslóg um broyting í løgtingslóg um áseting av skatti til
landskassan, og nr. 67/2002:
Uppskot til løgtingslóg um broyting í løgtingslóg um landsskatt og kommunuskatt, at
Bjarni Djurholm, landsstýrismaður, vegna landsstýrið hevur lagt fram tingmálini nr. 68/2002:
Uppskot til løgtingslóg um at seta úr gildi løgtingslóg um stuðul at útbyggja
havnina í Vági, nr. 69/2002:
Uppskot til løgtingslóg um broyting í løgtingslóg um fast samband um Leirvíksfjørð
og nr. 70/2002:
Uppskot til løgtingslóg um broyting í løgtingslóg um fuglaveiðu v.m., at
trivnaðarnevndin hevur lagt fram álit í tingmáli nr.
35/2002: Uppskot til ríkislógartilmæli um broyting í "lov om sygeplejersker
således som den er sat i kraft for Færøerne". og at vinnunevndin hevur lagt fram
álit í tingmálunum nr.
46/2002: Uppskot til samtyktar um at seta nevnd at endurskoða løgtingslógina um
vinnuligan fiskiskap og nr.
63/2002: Uppskot til løgtingslóg um landbúnaðarstuðul.
Formaðurin setti næsta fund at verða fríggjadagin 21. februar 2003 kl. 10.00 við
hesi dagsskrá:
3. viðgerð av tingmáli nr. 61/2002:
Ríkislógartilmæli um at seta í gildi fyri Føroyar "Anordning om ikrafttræden
for Færøerne af lov nr. 474 af 12. juni 1996 om ændring af straffeloven (strafansvar
for juridiske personer)".
2. viðgerð av tingmáli nr. 35/2002:
Uppskot til ríkislógartilmæli um broyting í "lov om sygeplejersker således som
den er sat i kraft for Færøerne".
2. viðgerð av tingmáli nr.
46/2002: Uppskot til samtyktar um at seta nevnd at endurskoða løgtingslógina um
vinnuligan fiskiskap
2. viðgerð av tingmáli nr. 63/2002:
Uppskot til løgtingslóg um landbúnaðarstuðul.
1. viðgerð av tingmáli nr. 64/2002:
Uppskot til samtyktar um at heita á landsstýrið um at leggja fyri Løgtingið uppskot
til løgtingslóg um skatting av reiðaravirksemi (tonnaguskattalóg).
Málið verður beint í fíggjarnevndina.
1. viðgerð av tingmáli nr. 65/2002:
Uppskot til løgtinglóg um broyting í løgtingslóg um almannapensjónir o.a.
Málið verður beint í trivnaðarnevndina.
Framløga.
Fundur lokin kl. 17.05.
Edmund Joensen
løgtingsformaður
/Marius Rein
skrivari