Ár 2003, týsdagin 11. februar kl. 13.30, varð tingfundur settur.

Johan Dahl, løgtingsmaður, Annlis Bjarkhamar, landsstýrismaður og Birgit Kleis, ríkisumboðsmaður, vóru ikki á fundi.

Til viðgerðar:

1. Val av nevnd sambært § 25 í tingskipanini at viðgera løgtingsmál nr. 60/2002: Uppskot til løgtingslóg um Grundlógarnevnd.
   Valdir vórðu: Heðin Mortensen, Bárður Nielsen, Hergeir Nielsen, Jógvan Arge, Kristian Magnussen, Jóannes Eidesgaard, Jógvan á Lakjuni, Poul Michelsen, Kári P. Højgaard og Jenis av Rana.
   
2. 2. viðgerð av tingmáli nr. 7/2002: Uppskot til løgtingslóg um broyting í løgtingslóg um striking av skuld til Interkommunala Renovatiónsfelagsskapin.
   §§ 1 og 2 fullu 7-0-24. Málið sostatt fallið.
   Málið avgreitt.
   
3. 2. viðgerð av tingmáli nr. 21/2002: Uppskot til løgtingslóg um broyting í løgtingslóg um rentustuðul.
   §§ 1 og 2 fullu 7-7-17. Málið sostatt fallið.
   Málið avgreitt.
   
4. 2. viðgerð av tingmáli nr. 22/2002: Uppskot til løgtingslóg um broyting í løgtingslóg um meirvirðisgjald.
   §§ 1 og 2 fullu 7-7-17. Málið sostatt fallið.
   Málið avgreitt.
   
5. 2. viðgerð av tingmáli nr. 27/2002: Uppskot til løgtingslóg um broyting í løgtingslóg um landsskatt og kommunuskatt (Realurin og Íleggingargrunnurin).
   Broytingaruppskot frá samdari fíggjarnevnd til § 2 samtykt 31-0-0.
   Uppskotið soleiðis broytt samtykt 31-0-0. Uppskotið fer soleiðis samtykt til 3. viðgerð.
   
6. 2. viðgerð av tingmáli nr. 29/2002: Uppskot til broyting í løgtingslóg um áseting av skatti (Realurin, Íleggingargrunnurin og aðrar broytingar).
   Broytingaruppskot frá samdari fíggjarnevnd til § 2 samtykt 31-0-0.
   Uppskotið soleiðis broytt samtykt 31-0-0. Uppskotið fer soleiðis samtykt til 3. viðgerð.
   
7. 2. viðgerð av tingmáli nr. 33/2002: Uppskot til løgtingslóg um at byggja samferðsluhavn á Syðradali.
   §§ 1 og 2 samtyktar 31-0-0. Uppskotið fer soleiðis samtykt til 3. viðgerð.
   
8. 2. viðgerð av tingmáli nr. 45/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   §§ 1 og 2 fullu 7-1-23. Málið sostatt fallið.
   Málið avgreitt.
   
9. 1. viðgerð av tingmáli nr. 62/2002: Uppskot til samtyktar um samhaldsfasta skipan á samferðsluøkinum.
   Málið beint í vinnunevndina.
   
10. Framløga.
    Formaðurin boðaði frá, at løgtingsmenninir Óli Breckmann, Lisbeth L. Petersen, Johan Dahl, Kristina Háfoss, Rúni Hentze, Mamy Dahl Sørensen og Kári P. Højgaard , vegna seg sjálvar, hava lagt fram tingmál nr. 63/2002: Uppskot til løgtingslóg um landbúnaðarstuðul.

Formaðurin fráboðaði hesum fyrispurningum:
Nr. 100-28/2002 til Birgit Kleis, ríkisumboðsmann, frá Heðin Mortensen, løgtingsmanni, viðvíkjandi hernaðarligu revsi- og rættargangslógini,
nr. 100-29/2002 til landsstýrismannin í fiskivinnumálum frá Rúna Hentze, løgtingsmanni, viðvíkjandi samanlegging av veiðiloyvum hjá partrolara og lemmatrolara, og
nr. 100-30/2002 til Bjarna Djurholm, landsstýrismann, frá Mamy Dahl Sørensen, løgtingsmanni, viðvíkjandi samferðslukervinum í Norðoyggjum.

Formaðurin setti næsta fund at verða mikudagin 12. februar 2003 kl. 13.30 við hesi dagsskrá:

1. Munnligir fyrispurningar.
2. Atkvøðugreiðsla um fyrispurning nr. 100-29/2002 til landsstýrismannin í fiskivinnumálum, frá Rúna Hentze, løgtingsmanni, viðvíkjandi samanlegging av veiðiloyvum hjá partrolara og lemmatrolara.
3. Atkvøðugreiðsla um fyrispurning nr. 100-30/2002 til Bjarna Djurholm, landsstýrismann, frá Mamy Dahl Sørensen, løgtingsmanni, viðvíkjandi samferðslukervinum í Norðoyggjum.
4. Framløga.

 Fundur lokin kl. 17.20.

Edmund Joensen
løgtingsformaður

/Marius Rein
skrivari