Ár 2003, týsdagin 28. januar kl. 13.30, varð tingfundur settur.

Løgtingsmenninir Lisbeth L. Petersen, Tórbjørn Jacobsen, Jákup Mikkelsen og Birgit Kleis, ríkisumboðsmaður, vóru ikki á fundi.

Formaðurin bar fram minningarorð um Hans Jacob Debes, fyrrverandi løgtingsmann, ið andaðist tann 26. januar 2003, og tingmenn mintust hann í tøgn.

1. 3. viðgerð av tingmáli nr. 40/2002: Uppskot til løgtingslóg um broyting í løgtingslóg um fólka- og farmaflutning.
   Uppskotið, sum samtykt við 2. viðgerð, endaliga samtykt 29-0-0.
   Málið avgreitt.
   
2. 2. viðgerð av tingmáli nr. 51/2002: Uppskot til løgtingslóg um broyting í løgtingslóg um Trivnaðar- og heilsuráð.
   §§ 1 og 2 samtyktar 29-0-0. Uppskotið fer soleiðis samtykt til 3. viðgerð.
   
3. 1. viðgerð av tingmáli nr. 52/2002: Uppskot til løgtingslóg um fíggjarligan stuðul til politiskt virksemi og politiska upplýsing.
   Málið beint í rættarnevndina.
   
4. Annlis Bjarkhamar, landsstýrismaður, svaraði fyrispurningi nr. 100-26/2002 frá Heðin Mortensen, løgtingsmanni, viðvíkjandi skúlafráveru í sambandi við ítrótt.
   Málið avgreitt.

Framløga
Formaðurin boðaði frá, at Alfred Olsen, løgtingsmaður, vegna Sambandsflokkin, hevur lagt fram tingmálini nr 54/2002: Uppskot til løgtingslóg um broyting í løgtingslóg um fólka- og farmaflutning, og nr. 55/2002: Uppskot til ríkislógartilmæli um fjølmiðlaábyrgdarlóg, og at vinnunevndin hevur lagt fram álit í tingmáli nr. 43/2002: Uppskot til løgtingslóg um broyting í løgtingslóg um fólka- og farmaflutning.

Formaðurin setti næsta fund at verða hósdagin 30. januar 2003 kl. 13.30 við hesi dagsskrá:

1. 3. viðgerð av tingmáli nr. 51/2002: Uppskot til løgtingslóg um broyting í løgtingslóg um Trivnaðar- og heilsuráð.
2. 2. viðgerð av tingmáli nr. 43/2002: Uppskot til løgtingslóg um broyting í løgtingslóg um fólka- og farmaflutning.
3. 1. viðgerð av tingmáli nr. 54/2002: Uppskot til løgtingslóg um broyting í løgtingslóg um fólka- og farmaflutning.
   Málið verður beint í vinnunevndina.
4. 1. viðgerð av tingmáli nr. 55/2002: Uppskot til ríkislógartilmæli um fjølmiðlaábyrgdarlóg.
   Málið verður beint í rættarnevndina.
5. Framløga.

 Fundur lokin kl. 16.40

Edmund Joensen
løgtingsformaður

/Marius Rein
skrivari