Ár 2003, mikudagin 15. januar kl. 13.30, varð tingfundur settur.

Andrias Petersen, løgtingsmaður, var ikki á fundi.

Til viðgerðar:

1. Munnligir fyrispurningar.
   
2. Framhaldandi 3. viðgerð av tingmáli nr. 38/2002: Uppskot til løgtingslóg um útbúgving av sjúkrarøktarfrøðingum.
   Broytingaruppskot frá Jógvan á Lakjuni, Jóanis Nielsen, Johan Dahl og Bárði Nielsen til heitið fall 13-2-16. Broytingaruppskot frá samdari mentanarnevnd til §§ 6, 7, 12, 14, 17 og 18 samtykt 31-0-0. Uppskotið, sum samtykt við 2. viðgerð, og soleiðis broytt við 3. viðgerð, endaliga samtykt 31-0-0.
   Málið avgreitt.
   
3. Framhaldandi 3. viðgerð av tingmáli nr. 15/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   Uppskotið, sum samtykt við 2. viðgerð, fall 6-0-23. Málið sostatt fallið.
   Málið avgreitt.
   
4. 1. viðgerð av tingmáli nr. 37/2002: Uppskot til samtyktar um aðalorðaskifti viðvíkjandi fyrimunum og vansum við ES-limaskapi.
   Málið beint í uttanlandsnevndina.

Tikið av dagsskrá:
1. viðgerð av tingmáli nr. 45/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.

Formaðurin setti næsta fund at verða fríggjadagin 17. januar 2003 kl. 10.00 við hesi dagsskrá:

1. 1. viðgerð av tingmáli nr. 45/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   Málið verður beint í vinnunevndina.
2. 1. viðgerð av tingmáli nr. 47/2002: Uppskot til løgtingslóg um broyting í løgtingslóg um sjúkratrygd til fiskimenn.
   Málið verður beint í vinnunevndina.
3. 1. viðgerð av tingmáli nr. 51/2002: Uppskot til løgtingslóg um broyting í løgtingslóg um Trivnaðar- og heilsuráð
   Málið verður beint í trivnaðarnevndina.
4. 1. viðgerð av tingmáli nr. 49/2002: Uppskot til løgtingslóg um at byggja samferðsluhavn á Trongisvágsfirði.
   Málið verður beint í vinnunevndina.
5. Framløga.

 Fundur lokin kl. 18.20.

Edmund Joensen
løgtingsformaður

/Marius Rein
skrivari