Gerðabók
Løgtingsins fyri tingsetuna 2002 |
39. fundur |
Týsdagur 14. januar 2003 |
kl. 13.30 |
Ár 2003, týsdagin 14. januar kl. 13.30, varð tingfundur settur.
Farloyvi:
Skriv frá Vilhelm Johannesen, dagfest 14. januar 2003, við umsókn um farloyvi, og
at næsti maður á lista Javnaðarfloksins í Norðoya valdømi tekur sæti á tingi.
Formaðurin heitti á Hergeir Nielsen, Katrin Dahl Jakobsen og Rúna Hentze um at kanna,
hvør næstvaldur er á lista Javnaðarfloksins í Norðoya valdømi. Hergeir Nielsen
mælti til, vegna seg sjálvan, Katrin Dahl Jakobsen og Rúna Hentze, at Mamy Dahl
Sørensen tekur sæti á tingi fyri Vilhelm Johannesen.
Samtykt uttan atkvøðugreiðslu.
Til viðgerðar:
- Framløga.
Formaðurin boðaði frá, at tingmenninir Lisbeth L. Petersen og Jóannes Eidesgaard,
vegna Sambandsflokkin og Javnaðarflokkin, hava lagt fram tingmál nr. 53/2002:
Misálit á Jørgen Niclasen, landsstýrismann.
- Viðgerð av tingmáli nr. 53/2002:
Misálit á Jørgen Niclasen, landsstýrismann.
Samtykt við 28-4-0 atkvøðum
at gera frávik frá tingsskipanini sambært § 85 soleiðis, at Høgni Hoydal,
landsstýrismaður, kann verða framsøgumaður fyri Tjóðveldisflokkin.
Jørgen Niclasen, landsstýrismaður, boðaði frá, at hann í skrivi til Anfinn
Kallsberg, løgmann, hevur biðið um at verða loystur úr starvinum sum
landsstýrismaður í fiskivinnumálum. Løgmaður handaði løgtingsformanninum skriv,
dagfest 14. januar 2003, har løgmaður boðar frá, at hann hevur loyst Jørgen Niclasen
úr embætinum sum landsstýrismaður í fiskivinnumálum samsvarandi § 29, stk. 1 í
løgtingslógini um stýrisskipan Føroya.
Jóannes Eidesgaard tók, vegna uppskotsstillararnar, uppskotið aftur.
- Framløga.
Formaðurin boðaði frá, at Páll á Reynatúgvu, landsstýrismaður, vegna
landsstýrið hevur lagt fram tingmál nr. 48/2002:
Uppskot til løgtingslóg um broyting í lóg um almenna forsorg, at Bjarni Djurholm,
landsstýrismaður, vegna landsstýrið hevur lagt fram tingmál nr. 49/2002:
Uppskot til løgtingslóg um at byggja samferðsluhavn á Trongisvágsfirði, at Johan
Dahl, tingmaður, hevur lagt fram tingmál nr. 50/2002: Uppskot
til løgtingslóg um loðsskyldu, at Bill Justinussen, landsstýrismaður, vegna
landsstýrið hevur lagt fram tingmál nr.
51/2002: Uppskot til løgtingslóg um broyting í løgtingslóg um Trivnaðar- og
heilsuráð, at Høgni Hoydal, landsstýrismaður, vegna landsstýrið hevur lagt fram
tingmál nr. 52/2002:
Uppskot til løgtingslóg um fíggjarligan stuðul til politiskt virksemi og politiska
upplýsing, at mentanarnevndin hevur lagt fram álit II í tingmáli nr. 38/2002:
Uppskot til løgtingslóg um útbúgving av sjúkrarøktarfrøðingum, og at vinnunevndin
hevur lagt fram álit II í tingmáli nr. 15/2002:
Uppskot til løgtingslóg um broyting í løgtingslóg um arbeiðsloysistrygging og
arbeiðsávísing.
Tikið av dagsskrá:
1. viðgerð av tingmáli nr. 37/2002:
Uppskot til samtyktar um aðalorðaskifti viðvíkjandi fyrimunum og vansum við
ES-limaskapi, 1. viðgerð av tingmáli nr. 45/2002:
Uppskot til løgtingslóg um broyting í løgtingslóg um arbeiðsloysistrygging og
arbeiðsávísing, 1. viðgerð av tingmáli nr. 47/2002:
Uppskot til løgtingslóg um broyting í løgtingslóg um sjúkratrygd til fiskimenn, og
svar upp á fyrispurning nr. 100-19/2002
til Høgna Hoydal, landsstýrismann, frá Kára P. Højgaard, løgtingsmanni,
viðvíkjandi kommunalum partafelagi
Formaðurin setti næsta fund at verða mikudagin 15. januar 2003 kl. 13.30 við hesi
dagsskrá:
Munnligir fyrispurningar.
Framhaldandi 3. viðgerð av tingmáli nr. 38/2002:
Uppskot til løgtingslóg um útbúgving av sjúkrarøktarfrøðingum.
Framhaldandi 3. viðgerð av tingmáli nr. 15/2002:
Uppskot til løgtingslóg um broyting í løgtingslóg um arbeiðsloysistrygging og
arbeiðsávísing.
1. viðgerð av tingmáli nr. 37/2002:
Uppskot til samtyktar um aðalorðaskifti viðvíkjandi fyrimunum og vansum við
ES-limaskapi.
Málið verður beint í uttanlandsnevndina.
1. viðgerð av tingmáli nr. 45/2002:
Uppskot til løgtingslóg um broyting í løgtingslóg um arbeiðsloysistrygging og
arbeiðsávísing.
Málið verður beint í vinnunevndina.
Framløga.
Fundur lokin kl. 16.55.
Edmund Joensen
løgtingsformaður
/Marius Rein
skrivari