Ár 2002, hósdagin 19. desember kl. 13.30, varð tingfundur settur.

Løgtingsmenninir Marjus Dam, Johan Dahl og Poul Michelsen og Páll á Reynatúgvu, landsstýrismaður, vóru ikki á fundi.

1. 3. viðgerð av tingmáli nr. 1-5/2002: Uppskot til eykajáttanarløgtingslóg fyri november 2002.
   Uppskotið, sum samtykt við 2. viðgerð, endaliga samtykt 29-0-0.
   Málið avgreitt.
   
2. 3. viðgerð av tingmáli nr. 41/2002: Uppskot til løgtingslóg um eldrarøkt í Sandoynni.
   Uppskotið, sum samtykt við 2. viðgerð, endaliga samtykt 29-0-0.
   Málið avgreitt.
   
3. 3. viðgerð av tingmáli nr. 24/2002: Uppskot til løgtingslóg um broyting í løgtingslóg um fast samband um Leirvíksfjørð.
   Uppskotið, sum samtykt við 2. viðgerð, endaliga samtykt 29-0-0.
   Málið avgreitt.
   
4. 3. viðgerð av tingmáli nr. 32/2002: Uppskot til løgtingslóg um broyting í løgtingslóg um barsilsskipan.
   Broytingaruppskot frá Henrik Old, Gerhard Lognberg, Kristian Magnussen, Andrias Petersen, Katrin Dahl Jakobsen, Jóannes Eidesgaard og Alfred Olsen til § 1, nr. 5 fall 12-0-16. Uppskotið, sum samtykt við 2. viðgerð, endaliga samtykt 16-0-12.
   Málið avgreitt.
   
5. 1. viðgerð av tingmáli nr. 46/2002: Uppskot til samtyktar um at seta nevnd at endurskoða løgtingslógina um vinnuligan fiskiskap.
   Málið beint í vinnunevndina.

Tikið av dagsskrá:
1. viðgerð av tingmáli nr. 45/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.

Tikið aftur:
Formaðurin boðaði frá, at tingmálini nr. 3/2002: Uppskot til løgtingslóg um útbygging av havnini í Vági, og nr. 1-3/2002: Uppskot til eykajáttanarløgtingslóg fyri september 2002 eru tikin aftur sambært skrivi frá uppskotsstillarunum, dagfest 19. desember 2002.

Formaðurin boðaði frá, at næsti fundur verður lýstur á vanligan hátt.

Formaðurin ynskti at enda tingmonnum eini gleðilig jól.

Fundur lokin kl. 16.20.

Edmund Joensen
løgtingsformaður

/Marius Rein
skrivari