Ár 2002, týsdagin 17. desember kl. 13.30, varð tingfundur settur.

Landsstýrismenninir Høgni Hoydal og Annlis Bjarkhamar vóru ikki á fundi.

1. 2. viðgerð av tingmáli nr. 24/2002: Uppskot til løgtingslóg um broyting í løgtingslóg um fast samband um Leirvíksfjørð.
   Broytingaruppskot frá meirilutanum í vinnunevndini, Henrik Old, Alfred Olsen, Kaj Leo Johannesen og Gerhard Lognberg til § 1 fall 15-0-17. §§ 1 og 2 samtyktar 25-7-0. Uppskotið fer soleiðis samtykt til 3. viðgerð.
   
2. 2. viðgerð av tingmáli nr. 32/2002: Uppskot til løgtingslóg um broyting í løgtingslóg um barsilsskipan.
   Uppskot frá Marjus Dam um at beina málið aftur í nevnd fall 2-1-29. Broytingaruppskot frá meirilutanum í vinnunevndini, Henrik Old, Alfred Olsen, Kaj Leo Johannesen og Gerhard Lognberg til § 1, nr 5 fall 15-0-17. Broytingaruppskot frá samdari vinnunevnd til § 1, nr. 3 samtykt 32-0-0. Uppskotið soleiðis broytt samtykt 17-0-15. Uppskotið fer soleiðis samtykt til 3. viðgerð.
   
3. 1. viðgerð av tingmáli nr. 43/2002: Uppskot til løgtingslóg um broyting í løgtingslóg um fólka- og farmaflutning.
   Málið beint í vinnunevndina.
   
4. 1. viðgerð av tingmáli nr. 44/2002: Uppskot til løgtingslóg um broyting í løgtingslóg um fólka- og farmaflutning.
   Málið beint í vinnunevndina.
   Tingmálini nr. 43/2002 og 44/2002 vórðu viðgjørd undir einum.
   
5. Framløga.
   Formaðurin boðaði frá, at Jørgen Niclasen, landsstýrismaður, vegna landsstýrið hevur lagt fram tingmál nr. 47/2002: Uppskot til løgtingslóg um broyting í løgtingslóg um sjúkratrygd til fiskimenn, at fíggjarnevndin hevur lagt fram álit í tingmáli nr. 1-5/2002: Uppskot til eykajáttanarløgtingslóg fyri november 2002, og at trivnaðarnevndin hevur lagt fram álit í tingmáli nr. 41/2002: Uppskot til løgtingslóg um eldrarøkt í Sandoynni.

Tikið av dagsskrá:
1. viðgerð av tingmáli nr. 45/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing, og 1. viðgerð av tingmáli nr. 46/2002: Uppskot til samtyktar um at seta nevnd at endurskoða løgtingslógina um vinnuligan fiskiskap.

Formaðurin setti næsta fund at verða mikudagin 18. desember 2002, kl. 10.00 við hesi dagsskrá:

1. 3. viðgerð av tingmáli nr. 1-1/2002: Uppskot til løgtingsfíggjarlóg fyri 2003.
2. Munnligir fyrispurningar (Kl. 13.30).
3. 2. viðgerð av tingmáli nr. 23/2002: Uppskot til løgtingslóg um broyting í løgtingslóg um yrkisútbúgvingar.
4. 2. viðgerð av tingmáli nr. 31/2002: Uppskot til løgtingslóg um broyting í løgtingslóg um skatt av kapitalvinningi.
5. 2. viðgerð av tingmáli nr. 38/2002: Uppskot til løgtingslóg um útbúgving av sjúkrarøktarfrøðingum.
6. 2. viðgerð av tingmáli nr. 39/2002: Uppskot til ríkislógartilmæli um at seta í gildi fyri Føroyar "forslag til lov om tilskud til Færøernes hjemmestyre for 2003-2006".
7. 1. viðgerð av tingmáli nr. 45/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   Málið verður beint í vinnunevndina.
8. 1. viðgerð av tingmáli nr. 46/2002: Uppskot til samtyktar um at seta nevnd at endurskoða løgtingslógina um vinnuligan fiskiskap.
   Málið verður beint í vinnunevndina.
9. Framløga.

 Fundur lokin kl. 18.35.

Edmund Joensen
løgtingsformaður

/Marius Rein
skrivari