Ár 2002, týsdagin 3. desember kl. 13.30, varð tingfundur settur.

Løgtingsmenninir Jógvan á Lakjuni og Jógvan við Keldu og Eyðun Elttør, landsstýrismaður, vóru ikki á fundi.

1. 2. viðgerð av tingmáli nr. 6/2002: Uppskot til samtyktar um troling innan fyri 12 fjórðingar úr strondum Føroya.
   Broytingaruppskot til uppskotið til samtyktar frá samdari vinnunevnd samtykt 29-0-0. Uppskot til samtyktar soleiðis broytt samtykt 29-0-0.
   Málið avgreitt.
   
2. 2. viðgerð av tingmáli nr. 15/2002: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   Uppskot fra tingmonnunum, Alfred Olsen, Kaj Leo Johannesen og Heina O. Heinesen um at beina málið aftur í nevnd fall 9-1-20. §§ 1 og 2 samtyktar 16-1-13. Uppskotið fer soleiðis samtykt til 3. viðgerð.
   
3. 2. viðgerð av tingmáli nr. 16/2002: Uppskot til løgtingslóg um val av nevndarlimum í Framtaksgrunnin.
   §§ 1, 2 og 3 fullu 8-6-15. Málið sostatt fallið.
   Málið avgreitt.
   
4. 2. viðgerð av tingmáli nr. 18/2002: Uppskot til løgtingslóg um broyting í løgtingslóg um royndarskipan við dagtilhaldi fyri fjølbrekað børn úr Nes og Runavíkar kommunu.
   §§ 1 og 2 samtyktar 28-0-0. Uppskotið fer soleiðis samtykt til 3. viðgerð.
   
5. 2. viðgerð av tingmáli nr. 19/2002: Uppskot til løgtingslóg um broyting í lóg um almenna forsorg.
   Broytingaruppskot frá samdari trivnaðarnevnd til § 1 samtykt 28-0-0.
   Uppskotið soleiðis broytt samtykt 28-0-0. Uppskotið fer soleiðis samtykt til 3. viðgerð.
   
6. 2. viðgerð av tingmáli nr. 25/2002: Uppskot til løgtingslóg um broyting í løgtingslóg um Toll- og skattafyrisiting.
   Broytingaruppskot frá samdari fíggjarnevnd til §§ 1 og 2 samtykt 28-0-0. Uppskotið soleiðis broytt samtykt 28-0-0. Uppskotið fer soleiðis samtykt til 3. viðgerð.
   
7. 1. viðgerð av tingmáli nr. nr. 34/2002: Uppskot til ríkislógartilmæli um broyting í "anordning om sundhedsvæsenets centralstyrelse".
   Málið beint í trivnaðarnevndina.
   
8. 1. viðgerð av tingmáli nr. 1-5/2002: Uppskot til eykajáttanarløgtingslóg fyri november 2002.
   
   Málið beint í fíggjarnevndina.
   
9. 1. viðgerð av tingmáli nr. 1-6/2002: Uppskot til eykafíggjarlóg fyri 2002.
   Málið beint beinleiðis til 2. viðgerð.
   
10. Framløga.
    Formaðurin boðaði frá, at Karsten Hansen, landsstýrismaður, vegna landsstýrið hevur lagt fram tingmál nr. 39/2002: Uppskot til ríkislógartilmæli um at seta í gildi fyri Føroyar "forslag til lov om tilskud til Færøernes hjemmestyre for 2003-2006"

Tikið av dagsskrá:
1. viðgerð av tingmáli nr. 35/2002: Uppskot til ríkislógartilmæli um broyting í "lov om sygeplejersker således som den er sat i kraft for Færøerne", og 1. viðgerð av tingmáli nr. 38/2002: Uppskot til løgtingslóg um útbúgving av sjúkrarøktarfrøðingum.

Formaðurin setti næsta fund at verða mikudagin, 4. desember 2002, kl. 13.30, við hesi dagsskrá:

1. Munnligir fyrispurningar.
2. Svar upp á fyrispurning nr. 100-17/2002 til Høgna Hoydal, landsstýrismann, frá Heðin Mortensen, løgtingsmanni, viðvíkjandi Grundlógarnevndini og arbeiði hennara
3. Svar upp á fyrispurning nr. 100-18/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi Hjálpartólamiðstøðini (HTM)
4. Svar upp á fyrispurning nr. 100-20/2002 til Høgna Hoydal, landsstýrismann, frá Kristian Magnussen, løgtingsmanni, viðvíkjandi lógini um viðgerð av persónsupplýsingum
5. Svar upp á fyrispurning nr. 100-21/2002 til Páll á Reynatúgvu, landsstýrismann, frá Heðin Mortensen, løgtingsmanni, viðvíkjandi møguleikunum hjá fjølbrekaðum børnum.
6. Framløga.

 Fundur lokin kl. 17.35. 

Edmund Joensen
løgtingsformaður

/Marius Rein
skrivari