Ár 2002, mikudagin 20. november kl. 13.30, varð tingfundur settur.

Løgtingsmenninir Tórbjørn Jacobsen, Katrin Dahl Jakobsen og Jógvan á Lakjuni og landsstýrismenninir Jørgen Niclasen og Høgni Hoydal vóru ikki á fundi.

1. Munnligir fyrispurningar.
   
2. Atkvøðugreiðsla um fyrispurning nr. 100-25/2002 til Bill Justinussen, landstýrismann, frá Charlottu á Váli Olsen, løgtingsmanni, viðvíkjandi neurologtænastuni.
   Samtykt uttan atkvøðugreiðslu, at fyrispurningurin skal svarast.
   
3. 1. viðgerð av tingmáli nr. 25/2002: Uppskot til løgtingslóg um broyting í løgtingslóg um Toll- og skattafyrisiting.
   Málið beint í fíggjarnevndina.
   
4. 1. viðgerð av tingmáli nr. 26/2002: Uppskot til løgtingslóg um broyting í løgtingslóg um toll.
   Málið beint í fíggjarnevndina.
   Tingmálini nr. 25/2002 og nr. 26/2002 vórðu viðgjørd undir einum.
   
5. 1. viðgerð av tingmáli nr. 27/2002: Uppskot til løgtingslóg um broyting í løgtingslóg um landsskatt og kommunuskatt (Realurin og Íleggingargrunnurin).
   Málið beint í fíggjarnevndina.
   
6. 1. viðgerð av tingmáli nr. 28/2002: Uppskot til broyting í løgtingslóg um landsskatt og kommunuskatt (fleiri broytingar)
   Málið beint í fíggjarnevndina.
   
7. 1. viðgerð av tingmáli nr. 29/2002: Uppskot til broyting í løgtingslóg um áseting av skatti (Realurin, Íleggingargrunnurin og aðrar broytingar).
   Málið beint í fíggjarnevndina.
   Tingmálini nr. 27/2002, 28/2002 og 29/2002 vórðu viðgjørd undir einum.
   
8. 1. viðgerð av tingmáli nr. 30/2002: Uppskot til løgtingslóg um broyting í løgtingslóg um meirvirðisgjald.
   Málið beint í fíggjarnevndina.
   
9. 1. viðgerð av tingmáli nr. 31/2002: Uppskot til løgtingslóg um broyting í løgtingslóg um skatt av kapitalvinningi.
   Málið beint í fíggjarnevndina.
   
10. Framløga.
    Formaðurin boðaði frá, at trivnaðarnevndin hevur lagt fram álit í tingmáli nr. 20/2002: Uppskot til løgtingslóg um broyting í løgtingslóg um almannapensjónir o.a.

Tikið av dagsskrá:
Svar upp á fyrispurning nr. 100-9/2002 til Bill Justinussen, landsstýrismann, frá Jógvan við Keldu, løgtingsmanni, viðvíkjandi sjúkrahúsverkinum.

Formaðurin setti næsta fund at verða fríggjadagin, 22. november 2002, kl. 10.00, við hesi dagsskrá:

1. 2. viðgerð av tingmáli nr. 20/2002: Uppskot til løgtingslóg um broyting í løgtingslóg um almannapensjónir o.a.
2. 1. viðgerð av tingmáli nr. 32/2002: Uppskot til løgtingslóg um broyting í løgtingslóg um barsilsskipan.
   Málið verður beint í vinnunevndina.
3. Framløga.

 Fundur lokin kl. 17.00.  

Edmund Joensen
løgtingsformaður

/Marius Rein
skrivari