Ár 2002, mikudagin 16. oktober kl. 13.30, varð tingfundur settur.

Løgtingsmenninir Jógvan Arge, Henrik Old, Jóanis Nielsen og Poul Michelsen, Karsten Hansen, landsstýrismaður, og Birgit Kleis, ríkisumboðsmaður vóru ikki á fundi.

Til viðgerðar:

1. Munnligir fyrispurningar.
   
2. Atkvøðugreiðsla um fyrispurning nr. 100-16/2002 til Bill Justinussen, landsstýrismann, frá Rúnu Sivertsen, løgtingsmanni, viðvíkjandi viðgerð av sjúklingum á sjúkrahúsum uttanlands.
   Samtykt uttan atkvøðugreiðslu, at fyrispurningurin skal svarast.
   
3. 1. viðgerð av tingmáli nr. 8/2002: Uppskot til samtyktar um ILO sáttmála nr. 164 um heilsuvernd og læknaviðgerð av sjófólki.
   Málið beint í uttanlandsnevndina.
   
4. 1. viðgerð av tingmáli nr. 9/2002: Uppskot til samtyktar um Altjóða Sáttmálan um Oljudálkingartilbúgving, Atgerðir og Samstarv, 1990.
   Málið beint í uttanlandsnevndina.
   
5. 1. viðgerð av tingmáli nr. 10/2002: Uppskot til løgtingslóg um handilstiltøk mótvegis uppreistrarrørsluni UNITA í Angola.
   Málið beint í uttanlandsnevndina.
   
6. 1. viðgerð av tingmáli nr. 11/2002: Uppskot til løgtingslóg um handilstiltøk mótvegis Liberiu.
   Málið beint í uttanlandsnevndina.
   
7. 1. viðgerð av tingmáli nr. 12/2002: Uppskot til løgtingslóg um handilstiltøk mótvegis Sierra Leona:
   Málið beint í uttanlandsnevndina.
   Málini nr. 10/2002, 11/2002 og 12/2002 vórðu viðgjørd undir einum.
   
8. Val av nevndum, umrøddar í § 24 í tingskipanini.
   Nevndirnar, ið valdar vórðu 31. mai 2002, vórðu afturvaldar,  í rættarnevndina   varð tó Heðin Mortensen  valdur sum fastur limur  og  Johan Dahl sum varalimur.
   
9. Páll á Reynatúgvu, landsstýrismaður, svaraði fyrispurningi nr. 100-8/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi hækkingini av pensjónum.
   Málið avgreitt.
   
10. Framløga.
    Formaðurin boðaði frá, at løgtingsmenninir Marjus Dam og Jóanis Nielsen hava lagt fram tingmál nr. 13/2002: Uppskot til løgtingslóg um broyting í løgtingslóg um meirvirðisgjald.

Tikið av dagsskrá:
Svar upp á fyrispurning nr. 100-10/2002 til Anfinn Kallsberg, løgmann, frá Kaj Leo Johannesen, løgtingsmanni, viðvíkjandi einskiljing av almennum fyritøkum.

Formaðurin setti næsta fund at verða mikudagin, 23. oktober 2002, kl. 13.30, við hesi dagsskrá:

1. Ófráboðaðir fyrispurningar.
2. 1. viðgerð av tingmáli nr. 13/2002: Uppskot til løgtingslóg um broyting í løgtingslóg um meirvirðisgjald.
   Málið verður beint í fíggjarnevndina.
3. Svar upp á fyrispurning nr. 100-12/2002 til Høgna Hoydal, landsstýrismann í lógamálum, frá Jenis av Rana, løgtingsmanni, viðvíkjandi skøkjulevnaði o.ø.
4. Svar upp á fyrispurning nr. 100-10/2002 til Anfinn Kallsberg, løgmann, frá Kaj Leo Johannesen, løgtingsmanni, viðvíkjandi einskiljing av almennum fyritøkum.
5. Svar upp á fyrispurning nr. 100-13/2002 til Høgna Hoydal, landsstýrismann, frá Jógvan á Lakjuni, løgtingsmanni, viðvíkjandi navnalógini og kunngerð um uppkalling.
6. Framløga.

Fundur lokin kl. 18.20. 

Edmund Joensen
løgtingsformaður

/Marius Rein
skrivari