Ár 2002, týsdagin 15. oktober kl. 13.30, varð tingfundur settur.

Løgtingsmenninir Jógvan Arge og Poul Michelsen, Anfinn Klaksberg, løgmaður, landsstýrismenninir Karsten Hansen og Páll á Reynatúgvu og Birgit Kleis, ríkisumboðsmaður vóru ikki á fundi.

Til viðgerðar:

1. Atkvøðugreiðsla um uppskot um at velja tingnevndirnar av nýggjum sambært § 26, stk 1 í tingskipanini.
   Eftir uppskotið frá Heðin Mortensen, løgtingsmanni, varð sett undir atkvøðugreiðslu uppskot um at velja tingnevndirnar av nýggjum.
   Uppskotið samtykt 28-0-0.
   
2. Atkvøðugreiðsla um fyrispurning nr. 100-15/2002 til Jørgen Niclasen, landsstýrismann í sjó- og fiskivinnumálum, frá Kristinu Háfoss, løgtingsmanni, viðvíkjandi kunngerð nr. 81 frá 27. september 2002 um svartkjaftakvotu 2002.
   Samtykt uttan atkvøðugreiðslu, at fyrispurningurin skal svarast.
   
3. 1. viðgerð av tingmáli nr. 6/2002: Uppskot til samtyktar um troling innan fyri 12 fjórðingar úr strondum Føroya.
   Málið beint í vinnunevndina.
   
4. 1. viðgerð av tingmáli nr. 7/2002: Uppskot til løgtingslóg um broyting í løgtingslóg um striking av skuld til Interkommunala Renovatiónsfelagsskapin.
   
5. Málið verður beint í fíggjarnevndina.

Tikið av dagsskrá:
Svar upp á fyrispurning nr. 100-8/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi hækkingini av pensjónum.

Formaðurin fráboðaði fyrispurning nr. 100-16/2002 til Bill Justinussen, landsstýrismann, frá Rúnu Sivertsen, løgtingsmanni, viðvíkjandi viðgerð av sjúklingum á sjúkrahúsum uttanlands.

Formaðurin setti næsta fund at verða mikudagin, 16. oktober 2002, kl. 13.30, við hesi dagsskrá:

1. Munnligir fyrispurningar.
2. Val av nevndum, umrøddar í § 24 í tingskipanini.
3. Atkvøðugreiðsla um fyrispurning nr. 100-16/2002 til Bill Justinussen, landsstýrismann, frá Rúnu Sivertsen, løgtingsmanni, viðvíkjandi viðgerð av sjúklingum á sjúkrahúsum uttanlands.
4. 1. viðgerð av tingmáli nr. 8/2002: Uppskot til samtyktar um ILO sáttmála nr. 164 um heilsuvernd og læknaviðgerð av sjófólki.
   Málið verður beint í uttanlandsnevndina.
5. 1. viðgerð av tingmáli nr. 9/2002: Uppskot til samtyktar um Altjóða Sáttmálan um Oljudálkingartilbúgving, Atgerðir og Samstarv, 1990.
   Málið verður beint í uttanlandsnevndina.
6. 1. viðgerð av tingmáli nr. 10/2002: Uppskot til løgtingslóg um handilstiltøk mótvegis uppreistrarrørsluni UNITA í Angola
7. 1. viðgerð av tingmáli nr. 11/2002: Uppskot til løgtingslóg um handilstiltøk mótvegis Liberiu
8. 1. viðgerð av tingmáli nr. 12/2002: Uppskot til løgtingslóg um handilstiltøk mótvegis Sierra Leona
   Tingmálini nr. 10/2002, 11/2002 og 12/2002 verða viðgjørd undir einum og beind í uttanlandsnevndina.
9. Svar upp á fyrispurning nr. 100-8/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi hækkingini av pensjónum.
10. Svar upp á fyrispurning nr. 100-10/2002 til Anfinn Kallsberg, løgmann, frá Kaj Leo Johannesen, løgtingsmanni, viðvíkjandi einskiljing av almennum fyritøkum.
11. Framløga.

Fundur lokin kl. 17.30. 

Edmund Joensen
løgtingsformaður

/Marius Rein
skrivari