Ár 2002, týsdagin 8. oktober kl. 10.00, varð tingfundur settur.

Formaðurin boðaði frá, at Katrin Dahl Jakobsen í skrivi dagfest 7. oktober 2002, sigur frá, at hon tekur sæti aftur á tingi.

Formaðurin fráboðaði fyrispurning nr. 100-15/2002 til Jørgen Niclasen, landsstýrismann í sjó- og fiskivinnumálum, frá Kristinu Háfoss, løgtingsmanni, viðvíkjandi kunngerð nr. 81 frá 27. september 2002 um svartkjaftakvotu 2002

Til viðgerðar:

1. Atkvøðugreiðsla um fyrispurning nr. 100-14/2002 til Bjarna Djurholm, landsstýrismann, frá Tórbjørn Jacobsen, løgtingsmanni, viðvíkjandi vali av nevndarlimum í Framtaksgrunnin.
   Samtykt uttan atkvøðugreiðslu, at fyrispurningurin skal svarast.
   
2. 1. viðgerð av tingmáli nr. 1-1/2002: Uppskot til løgtingsfíggjarlóg fyri 2003.

Fundur niðurlagdur kl. 12.05.
Fundur uppafturtikin kl. 13.30.
Fundur niðurlagdur kl. 17.55.

Fundur uppafturtikin mikudagin 9. oktober 2002 kl. 10.00.

Farloyvi:
Skriv frá Jógvan við Keldu, dagfest 8. oktober 2002, við umsókn um farloyvi frá 10. oktober 2002, og at næsti maður á lista Fólkafloksins í Norðoya valdømi tekur sæti á tingi. Formaðurin heitti á tingmenninar Hergeir Nielsen, Katrin Dahl Jakobsen og Rúna Hentze um at kanna, hvør er næstur á lista Fólkafloksins í Norðoya valdømi.
Hergeir Nielsen mælti til, vegna seg sjálvan, Katrin Dahl Jakobsen og Rúna Hentze, at Rúna Sivertsen tekur sæti á tingi fyri Jógvan við Keldu.
Samtykt uttan atkvøðugreiðslu.

Fundur niðurlagdur kl. 12.15.
Fundur uppafturtikin kl. 13.30.
Fundur niðurlagdur kl. 18.20

Fundur uppafturtikin hósdagin 10. oktober 2002 kl. 10.00.

Viðgerðin niðurløgd.

Fundur niðurlagdur kl. 12.25
Fundur uppafturtikin kl. 13.30.

3. 1. viðgerð av tingmáli nr. 1-4/2002: Uppskot til eykajáttanarløgtingslóg fyri september 2002 – 2.
   Málið beint í fíggjarnevndina.
   
4. Framhaldandi 1. viðgerð av tingmáli nr. 1-1/2002: Uppskot til løgtingsfíggjarlóg fyri 2003.Málið beint í fíggjarnevndina.

Formaðurin setti næsta fund at verða týsdagin, 15. oktober 2002, kl. 13.30, við hesi dagsskrá:

1. Atkvøðugreiðsla um uppskot um at velja tingnevndirnar av nýggjum sambært § 26, stk. 1 í tingskipanini.
2. Atkvøðugreiðsla um fyrispurning nr. 100-15/2002 til Jørgen Niclasen, landsstýrismann í sjó- og fiskivinnumálum, frá Kristinu Háfoss, løgtingsmanni, viðvíkjandi kunngerð nr. 81 frá 27. september 2002 um svartkjaftakvotu 2002.
3. 1. viðgerð av tingmáli nr. 6/2002: Uppskot til samtyktar um troling innan fyri 12 fjórðingar úr strondum Føroya.
   Málið verður beint í vinnunevndina.
4. 1. viðgerð av tingmáli nr. 7/2002: Uppskot til løgtingslóg um broyting í løgtingslóg um striking av skuld til Interkommunala Renovatiónsfelagsskapin.
   Málið verður beint í fíggjarnevndina/vinnunevndina.
5. Svar upp á fyrispurning nr. 100-8/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi hækkingini av pensjónum.
6. Framløga.

 Fundur lokin kl. 20.50. 

Edmund Joensen
løgtingsformaður

/Marius Rein
skrivari