Ár 2002, mikudagin 4. september kl. 13.30, varð tingfundur settur.

Løgtingsmenninir Hergeir Nielsen, Kristian Magnussen, Jákup Mikkelsen og Poul Michelsen, Anfinn Kallsberg, løgmaður og landsstýrismenninir Jørgen Niclasen og Eyðun Elttør, vóru ikki á fundi.

1. Munnligir fyrispurningar
   
2. Atkvøðugreiðsla um fyrispurning nr. 100-6/2002 til Bjarna Djurholm, landsstýrismann, frá Nikláa Petersen, løgtingsmanni, viðvíkjandi møguleikanum hjá sjófólki á fjarleiðum at hoyra Útvarp Føroya.
   Samtykt uttan atkvøðugreiðslu, at fyrispurningurin skal svarast.
   
3. Atkvøðugreiðsla um fyrispurning nr. 100-7/2002 til Bill Justinussen, landsstýrismann, frá Johan Dahl, løgtingsmanni, viðvíkjandi Sjúklingahotellinum HOTEL TÓRSHAVN í Keypmannahavn.
   Samtykt uttan atkvøðugreiðslu, at fyrispurningurin skal svarast.
   
4. Atkvøðugreiðsla um fyrispurning nr. 100-8/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi hækkingini av pensjónum.
   Samtykt uttan atkvøðugreiðslu, at fyrispurningurin skal svarast.

Farloyvi:
Skriv frá Katrin Dahl Jakobsen, dagfest 4. september 2002, við umsókn um farloyvi frá 6. september 2002, og at næsti maður á lista Javnaðarfloksins í Suðurstreymoyar valdømi tekur sæti á tingi. Formaðurin heitti á tingmenninar Vilhelm Johannesen, Jógvan á Lakjuni og Alfred Olsen um at kanna, hvør er næstur á lista Javnaðarfloksins í Suðurstreymoyar valdømi.

Fundur niðurlagdur kl. 14.45.
Fundur uppafturtikin kl. 15.00.

Vilhelm Johannesen mælti til, vegna seg sjálvan, Jógvan á Lakjuni og Alfred Olsen, at Elin Lindenskov tekur sæti á tingi fyri Katrin Dahl Jakobsen.
Samtykt uttan atkvøðugreiðslu.

5. Bjarni Djurholm, landsstýrismaður, svar upp á fyrispurningi nr. 100-4/2002 frá Henrik Old, løgtingsmanni, viðvíkjandi lógini um fólka- og farmaflutning.
   Málið avgreitt.
   
6. Bjarni Djurholm, landsstýrismaður, svaraði upp á fyrispurningi nr. 100-5/2002 frá Henrik Old, løgtingsmanni, viðvíkjandi sigling í verkfalsføri.
   Málið avgreitt.

Formaðurin setti næsta fund at verða mikudagin, 11. september 2002, kl. 13.30, við hesi dagsskrá:

1. Munnligir fyrispurningar.
2. 1. viðgerð av tingmáli nr. 3/2002: Uppskot til løgtingslóg um útbygging av havnini í Vági.
   Málið verður beint í vinnunevndina.
3. 1. viðgerð av tingmáli nr. 1-3/2002: Uppskot til eykajáttanarløgtingslóg fyri september 2002.
   Málið verður beint í fíggjarnevndina.
   Tingmálini nr. 3/2002 og nr. 1-3/2002 verða viðgjørd undir einum.
4. Framløga.

 Fundur lokin kl. 17.25. 

Edmund Joensen
løgtingsformaður 

/Marius Rein
skrivari