Ár 2002, týsdagin 3. september kl.13.30, varð tingfundur settur.

Løgtingsmenninir Hergeir Nielsen, Jákup Mikkelsen, Poul Michelsen og Jógvan við Keldu, og Eyðun Elttør, landsstýrismaður, vóru ikki á fundi.

Til viðgerðar:

1. Bjarni Djurholm, landsstýrismaður, svaraði fyrispurningi nr. 100-1/2002 frá Marjus Dam, løgtingsmanni, viðvíkjandi útbjóðing av Bygdaleiðum.
   Málið avgreitt.
   
2. Annlis Bjarkhamar, landsstýrismaður, svaraði fyrispurningi nr. 100-2/2002 frá Lisbeth L. Petersen, løgtingsmanni, viðvíkjandi yvirtøku av fólkakirkjuni.
   Málið avgreitt.
   
3. Bjarni Djurholm, landsstýrismaður, svaraði fyrispurningi nr. 100-3/2002 frá Johan Dahl, løgtingsmanni, viðvíkjandi asfaltering av havnaøkinum á Drelnesi.
   Málið avgreitt.
   
4. Framløga.
   Formaðurin boðaði frá, at tingmenninir Johan Dahl og Henrik Old hava lagt fram tingmálini nr. 1-3/2002: Uppskot til eykajáttanarløgtingslóg fyri september 2002, og nr. 3/2002: Uppskot til løgtingslóg um útbygging av havnini í Vági, at tingmenninir Jógvan við Keldu og Jóannes Eidesgaard hava lagt fram tingmál nr. 4/2002: Uppskot til samtyktar um tilráðingar frá Norðurlandaráðnum í 2001 og um frágreiðing um virki ráðsins í 2001, og at tingmenninir Jógvan á Lakjuni, Heðin Mortensen, Rúni Hentze, Henrik Old, Kári P. Højgaard og Jenis av Rana hava lagt fram tingmál nr. 5/2002: Uppskot til samtyktar um tilráðingar frá Útnorðurráðnum í 2001 og um frágreiðing um virki ráðsins í 2001.
   

Tikið av dagsskrá:
Svar upp á fyrispurning nr. 100-4/2002 til Bjarna Djurholm, landsstýrismann í samferðslumálum, frá Henrik Old, løgtingsmanni, viðvíkjandi lógini um fólka- og farmaflutning, og svar upp á fyrispurning nr. 100-5/2002 til Bjarna Djurholm, landsstýrismann í samferðslumálum, frá Henrik Old, løgtingsmanni, viðvíkjandi sigling í verkfalsføri.

Formaðurin fráboðaði hesar fyrispurningar:
Nr. 100-6/2002 til Bjarna Djurholm, landsstýrismann, frá Nikláa Petersen, løgtingsmanni, viðvíkjandi møguleikanum hjá sjófólki á fjarleiðum at hoyra Útvarp Føroya,
nr. 100-7/2002 til Bill Justinussen, landsstýrismann, frá Johan Dahl, løgtingsmanni, viðvíkjandi Sjúklingahotellinum HOTEL TÓRSHAVN í Keypmannahavn, og
nr. 100-8/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi hækkingini av pensjónum.

Formaðurin setti næsta fund at verða mikudagin, 4. september 2002, kl. 13.30, við hesi dagsskrá:

1. Munnligir fyrispurningar
2. Atkvøðugreiðsla um fyrispurning nr. 100-6/2002 til Bjarna Djurholm, landsstýrismann, frá Nikláa Petersen, løgtingsmanni, viðvíkjandi møguleikanum hjá sjófólki á fjarleiðum at hoyra Útvarp Føroya.
3. Atkvøðugreiðsla um fyrispurning nr. 100-7/2002 til Bill Justinussen, landsstýrismann, frá Johan Dahl, løgtingsmanni, viðvíkjandi Sjúklingahotellinum HOTEL TÓRSHAVN í Keypmannahavn.
4. Atkvøðugreiðsla um fyrispurning nr. 100-8/2002 til Páll á Reynatúgvu, landsstýrismann, frá Kára P. Højgaard, løgtingsmanni, viðvíkjandi hækkingini av pensjónum.
5. Svar upp á fyrispurning nr. 100-4/2002 til Bjarna Djurholm, landsstýrismann í samferðslumálum, frá Henrik Old, løgtingsmanni, viðvíkjandi lógini um fólka- og farmaflutning.
6. Svar upp á fyrispurning nr. 100-5/2002 til Bjarna Djurholm, landsstýrismann í samferðslumálum, frá Henrik Old, løgtingsmanni, viðvíkjandi sigling í verkfalsføri.
7. Framløga.

 Fundur lokin kl. 18.05. 

Edmund Joensen
løgtingsformaður

/Marius Rein
skrivari