Tingfundurin hoyrist her

Ár 2002, mánadagin 29. juli, ólavsøkudag, kl. 13.00, varð tingfundur settur.

Katrin Dahl Jakobsen, løgtingsmaður var ikki á fundi.

Løgtingsformaðurin lýsti tingsetuna 2002 at vera setta sambært § 10 í stýrisskipanarlógini. Í sambandi við at tað eru 150 ár síðani, Løgtingið varð endurreist, flutti løgtingsformaðurin fram stutta røðu.

Farloyvi:
Skriv frá Páll á Reynatúgvu, dagfest 6. juni 2002, við umsókn um farloyvi sambært § 62, stk. 2 í tingskipanini, og at næsti maður á lista Tjóðveldisfloksins í Sandoyar valdømi tekur sæti á tingi. Formaðurin heitti á Vilhelm Johannesen, Alfred Olsen og Jógvan á Lakjuni um at kanna, hvør næstvaldur er á lista Tjóðveldisfloksins í Sandoyar valdømi. Vilhelm Johannesen mælti til, vegna seg sjálvan, Alfred Olsen og Jógvan á Lakjuni, at Rúni Hentze tekur sæti á tingi fyri Páll á Reynatúgvu.

Samtykt uttan atkvøðugreiðslu.

Formaðurin las skriv frá Anfinni Kallsberg, løgmanni, dagfest 6. juni 2002, har boðað verður Løgtinginum frá, vísandi til § 29 í løgtingslóg nr. 103 frá 26. juli 1994 um stýrisskipan Føroya, at løgmaður hevur loyst landsstýrismenninar Óla Holm og Sámal Petur í Grund úr embætinum sum landsstýrismenn. Samstundis verður gjørt kunnugt, at Annlis Bjarkhamar, Páll á Reynatúgvu og Bill Justinussen eru tilnevnd landsstýrismenn frá 6. juni 2002.

Til viðgerðar:
Løgmaður greiddi, sambært stýrisskipanarlógini § 12, stk. 1, frá støðu landsins og tí, ið landsstýrið hevur í ætlan at fremja.

Formaðurin setti næsta fund at verða mánadagin, 5. august 2002, kl. 10.00, við hesi dagsskrá:

1. Val av tveimum limum og tveimum tiltakslimum til Norðurlandaráðið.
2. Aðalorðaskifti um løgmansrøðuna á ólavsøku
3. Framløga.

Fundur lokin kl. 13.35.

Edmund Joensen
løgtingsformaður

/Súsanna Danielsen
skrivari