Ár 2002, mikudagin 15. mai, kl. 10.00 komu saman í tinghúsinum tær konur og teir menn, sum hava fingið valbræv frá valnevndunum ella løgmanni.

Eftir § 2 í tingskipanini tók ellisformaðurin, Heini O. Heinesen, sæti í formanssessinum sum fyrbilsformaður.

1. Góðkenning av valbrøvum og valúrsliti
   Ellisformaðurin heitti á Vilhelm Johannesen, Alfred Olsen og Jógvan á Lakjuni um at kanna valbrøvini hjá teimum, sum vald eru í Suðurstreymi, Sandoynni og Suðuroynni, og á Katrin Dahl Jakobsen, Páll á Reynatúgvu og Hergeir Nielsen um at kanna valbrøvini hjá teimum, sum vald eru í Norðuroyggjum, Eysturoynni, Norðstreymi og Vágum.

Fundur niðurlagdur kl. 10.05.
Fundur uppafturtikin kl. 10.35

Vilhelm Johannesen mælti til, vegna seg sjálvan, Alfred Olsen og Jógvan á Lakjuni at góðkenna valúrslitið í Suðurstreymi, Sandoynni og Suðuroynni og hesi valbrøv:

Suðurstreymoy:
Høgni Hoydal
Lisbeth L. Petersen
Óli Breckmann
Katrin Dahl Jakobsen
Annita á Fríðriksmørk
Heðin Mortensen
Bjarni Djurholm
Kristina Háfoss
Kristian Magnussen (eykavaldur)
Jenis av Rana (eykavaldur)
Kaj Leo Johannesen (eykavaldur)

Sandoy:
Gerhard Lognberg
Páll á Reynatúgvu

Suðuroy:
Jóannes Eidesgaard
Johan Dahl
Henrik Old
Hergeir Nielsen

Katrin Dahl Jakobsen mælti til, vegna seg sjálvan,  Páll á Reynatúgvu og Hergeir Nielsen at góðkenna valúrslitið í Norðuroyggjum, Eysturoynni, Norðstreymi og Vágum og hesi valbrøv:

Norðuroyggjar:
Anfinn Kallsberg
Heini O. Heinesen
Vilhelm Johannesen
Jógvan við Keldu

Eysturoy:
Alfred Olsen
Tórbjørn Jacobsen
Jógvan á Lakjuni
Andrias Petersen
Edmund Joensen
Kári P. Højgaard (eykavaldur)

Norðstreymoy:
Bárður Nielsen
Niklái Petersen
Heðin Zachariasen (eykavaldur)

Vágar:
Marjus Dam
Jørgen Niclasen

Samtykt uttan atkvøðugreiðslu.

2. Váttan eftir § 6 í tingskipanini
   Hvør tingmaður gav við trú og heiður skrivliga váttan, hvørji álitisstørv, sum nevnd eru í stýrisskipannarlógini § 8, hann hevur, og at hann játtar, at hann leggur nú hesi álitisstørv frá sær.
   

Ellisformaðurin lýsti nú Løgtingið at vera sett.

3. Farloyvi
   Skriv frá Anfinni Kallsberg, dagfest 15. mai 2002, um farloyvi sambært § 62, stk. 2 í tingskipanini.
   Skriv frá Jørgen Niclasen, dagfest 15. mai 2002, um farloyvi sambært § 62, stk. 2 í tingskipanini.
   Skriv frá Bjarna Djurholm, dagfest 15. mai 2002, um farloyvi sambært § 62, stk. 2 í tingskipanini.
   Skriv frá Høgna Hoydal, dagfest 15. mai 2002, um farloyvi sambært § 62, stk. 2 í tingskipanini.
   
   Ellisformaðurin heitti á Katrin Dahl Jakobsen, Páll á Reynatúgvu og Hergeir Nielsen um at kanna, hvør er næstvaldur á lista Fólkafloksins í Norðoya valdømi og í Vága valdømi, og á Vilhelm Johannesen, Alfred Olsen og Jógvan á Lakjuni um at kanna, hvør er næstvaldur á lista Fólkafloksins í Suðurstreymoyar valdømi og á lista Tjóðveldisfloksins í Suðurstreymoyar valdømi.
   

Fundur niðurlagdur kl. 10.45.
Fundur uppafturtikin kl. 11.05.

Vilhelm Johannesen mælti til, vegna seg sjálvan, Alfred Olsen og Jógvan á Lakjuni, at Jógvan Arge tekur sæti á tingi fyri Høgna Hoydal, og at Poul Michelsen tekur sæti á tingi fyri Bjarna Djurholm.

Katrin Dahl Jakobsen mælti til, vegna seg sjálvan, Páll á Reynatúgvu og Hergeir Nielsen, at Jákup Mikkelsen tekur sæti á tingi fyri Anfinn Kallsberg, og at Jóanis Nielsen tekur sæti á tingi fyri Jørgen Niclasen.

Samtykt uttan atkvøðugreiðslu.


4. Val av løgtingsformanni og tilnevning av trimum næstformonnum
   Jóannes Eidesgaard mælti til at velja Edmund Joensen til løgtingsformann, Jógvan við Keldu mælti til at velja Óla Breckmann og Tórbjørn Jacobsen mælti til at velja Hergeir Nielsen til løgtingsformann.
   
   Atkvøtt varð sambært § 78, stk. 3 í tingskipanini.
   
   1. atkvøðugreiðsla:
   Edmund Joensen 16-16-0.
   Óli Breckmann 7-25-0.
   Hergeir Nielsen 9-23-0.
   
   2. atkvøðugreiðsla:
   Edmund Joensen 16-16-0.
   Óli Breckmann 7-25-0.
   Hergeir Nielsen 9-23-0.
   
   3. atkvøðugreiðsla:
   Edmund Joensen 16-16-0.
   Hergeir Nielsen 13-19-0.
   
   Sostatt er Edmund Joensen valdur til formann og tók nú formanssætið.
   
   Hesir vórðu tilnevndir næstformenn:
   1. næstformaður: Hergeir Nielsen.
   2. næstformaður: Vilhelm Johannesen.
   3. næstformaður: Óli Breckmann.
   
   Av tí at Javnaðarflokkurin og Fólkaflokkurin hava 7 tingmenn hvør, varð 2. næstformaður valdur við lutakasti millum Vilhelm Johannesen og Óla Breckmann.

Formaðurin boðaði frá, at næsti fundur verður lýstir á vanligan hátt.

Fundur lokin kl. 11.30  

Edmund Joensen
løgtingsformaður

/Súsanna Danielsen
skrivari