Gerðabók
Løgtingsins fyri tingsetuna 2001 |
52. fundur |
Týsdagur 5. februar 2002 |
kl. 13.30 |
Ár 2002, týsdagin 5. februar, kl. 13.30, varð tingfundur settur í útvarpshøllini.
Løgtingsmenninir Leila á Lofti, Kristian Magnussen, Dan R. Petersen, Jóannes
Eidesgaard, Flemming Mikkelsen, Jenis av Rana og Helena Dam á Neystabø, og
landsstýrismenninir Høgni Hoydal og Sámal Petur í Grund vóru ikki á fundi.
Farloyvi:
Skriv frá Óla Breckmann, dagfest 1. februar 2002, við umsókn um farloyvi, og at
næsti maður á lista Fólkafloksins í Suðurstreymoyar valdømi tekur sæti á tingi.
Samtykt uttan atkvøðugreiðslu, at Katrin D. Johansen, ið áður hevur verið á tingi,
skal taka sæti fyri Óla Breckmann.
Skriv frá Finnboga Arge, dagfest 5. februar 2002, við umsókn um farloyvi, og at
næsti maður á lista Fólkafloksins í Suðurstreymoyar valdømi tekur sæti á tingi.
Samtykt uttan atkvøðugreiðslu, at Leila á Lofti, ið áður hevur verið á tingi,
skal taka sæti fyri Finnboga Arge.
Til viðgerðar:
- Óli Holm, landsstýrismaður, leggur fram løgtingsmál nr. 101-6/2001:
Frágreiðing sambært grein 51, stk. 4 í tingskipanini um frágreiðingina um
frískúlar.
- Atkvøðugreiðsla um fyrispurning nr. 100-46/2001
til Bjarna Djurholm, landsstýrismann, frá Hergeir Nielsen, løgtingsmanni, viðvíkjandi
bakkaverjuni í Sumba.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-47/2001
til Óla Holm, landsstýrismann, frá Finni Helmsdal, løgtingsmanni,viðvíkjandi
Fróðskaparsetri Føroya.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-48/2001
til Bjarna Djurholm, landsstýrismann, frá Rúnu Sivertsen, løgtingsmanni, viðvíkjandi
hoyrilíkindunum hjá bátum í føroyskum sjóøki.
Samtykt uttan atkvøðugreiðslu, at fyrispurningurin skal svarast.
- 3. viðgerð av tingmáli nr. 27/2001:
Uppskot til løgtingslóg um broyting í løgtingslóg um skatt av rentutrygging v.m.
(Rentutryggingarlógin).
Uppskot frá Vilhelm Johannesen um at beina málið aftur í nevnd samtykt 23-0-0. Málið
beint aftur í fíggjarnevndina.
- 1. viðgerð av tingmáli nr. 50/2001:
Uppskot til løgtingslóg um adressur.
Málið beint í vinnunevndina.
- Bjarni Djurholm, landsstýrismaður, svaraði fyrispurningi nr. 100-42/2001
frá Heðin Mortensen, løgtingmanni, viðvíkjandi ferðasambandinum Gamlarætt
Hest.
Málið avgreitt.
- Birgit Kleis, ríkisumboðsmaður, svaraði fyrispurningi nr. 100-25/2001
frá Lisbeth L. Petersen, løgtingsmanni, viðvíkjandi rentum til Danmarkar.
Málið avgreitt.
- Framløga.
Formaðurin boðaði frá, at Karsten Hansen, landsstýrismaður, vegna landsstýrið,
hevur lagt fram tingmálini nr. 51/2001: Uppskot
til løgtingslóg um broyting í løgtingslóg um landsskatt og kommunuskatt
(Skattalógin) og nr. 52/2001:
Uppskot til løgtingslóg um broyting í løgtingslóg um áseting av skatti
(Ásetingarlógin), og at Sámal Petur í Grund, landsstýrismaður, vegna landsstýrið,
hevur lagt fram tingmálini nr. 53/2001:
Uppskot til løgtingslóg um avtøka av løgtingslóg um dagpening vegna ættleiðing,
og nr.
54/2001: Uppskot til løgtingslóg um broyting í løgtingslóg um áseting og javning
av almannaveitingum.
Tikið av dagsskrá:
3. viðgerð av tingmáli nr. 38/2001:
Uppskot til løgtingslóg um broyting í løgtingslóg um landsskatt og kommunuskatt
(Skattalógin), og 2. viðgerð av tingmáli nr. 44/2001:
Uppskot til løgtingslóg um avgjald av framleiðslu og innflutningi.
Formaðurin setti næsta fund at verða hósdagin 7. februar 2002 kl. 13.30 við hesi
dagsskrá:
- Munnligir fyrispurningar.
- 1. viðgerð av tingmáli nr.
48/2001: Uppskot til løgtingslóg um broyting í løgtingslóg um meirvirðisgjald.
Málið verður beint í fíggjarnevndina.
- 1. viðgerð av tingmáli nr. 53/2001:
Uppskot til løgtingslóg um avtøku av løgtingslóg um dagpening vegna ættleiðing.
Málið verður beint í trivnaðarnevndina.
- Svar upp á fyrispurning nr.
100-44/2001 til Sámal Petur í Grund, landsstýrismann í almanna- og heilsumálum,
frá Annitu á Fríðriksmørk, løgtingsmanni, viðvíkjandi dagpeningaskipanini.
- Framløga.
Fundur lokin kl. 17.10.
Finnbogi Ísakson
løgtingsformaður
/Marius Rein
skrivari