Ár 2002, týsdagin 22. januar, kl. 13.30, varð tingfundur settur í útvarpshøllini.

Løgtingsmenninir Vilhelm Johannesen, Flemming Mikkelsen og Helena Dam á Neystabø, landsstýrismenninir Jørgen Niclasen, Karsten Hansen og Sámal Petur í Grund og ríkisumboðsmaðurin vóru ikki á fundi.

Til viðgerðar:

1. Anfinn Kallsberg, løgmaður, legði fram tingmál nr. 101-5/2001: Frágreiðing sambært grein 51, stk. 4 í tingskipanini frá løgmanni, um frágreiðingina um at einskilja fyritøkur landsins.
   
2. Atkvøðugreiðsla um fyrispurning nr. 100-45/2001 til Bjarna Djurholm, landstýrismann, frá Marjus Dam, løgtingsmanni, viðvíkjandi parkeringsviðurskiftum kring flogvøllin.
   Samtykt uttan atkvøðugreiðslu, at fyrispurningurin skal svarast.
   
3. Aðalorðaskifti um tingmál nr. 101-3/2001: Frágreiðing frá landsstýrismanninum í umhvørvismálum sambært § 51, stk. 4 í tingskipanini um náttúru- og umhvørvisvernd.
   Málið avgreitt.
   

Formaðurin setti næsta fund at verða týsdagin 29. januar 2002 kl. 10.00 við hesi dagsskrá:

1. Aðalorðaskifti um tingmál nr. 101-5/2001: Frágreiðing sambært grein 51, stk. 4 í tingskipanini frá Anfinni Kallsberg, løgmanni, um frágreiðingina um at einskilja fyritøkur landsins.
2. Framløga.

Fundur lokin kl. 16.30. 

Finnbogi Ísakson
løgtingsformaður

/Marius Rein
skrivari