Gerðabók
Løgtingsins fyri tingsetuna 2001 |
31. fundur |
Týsdagur 27. november 2001 |
kl. 13.30 |
Ár 2001, týsdagin 27. november, kl. 13.30, varð tingfundur settur í
útvarpshøllini.
Jóannes Eidesgaard, løgtingsmaður, Sámal Petur í Grund, landsstýrismaður,
og ríkisumboðsmaðurin vóru ikki á fundi.
Formaðurin las skriv frá Helenu Dam á Neystabø, dagfest 27. november 2001, har
boðað verður frá, at hon ikki longur er limur í tingbólki Sjálvstýrisfloksins, men
verður sitandi á tingi uttanflokka.
Til viðgerðar:
- 1. viðgerð av tingmáli nr. 25/2001:
Uppskot til løgtingslóg um broyting í løgtingslóg um skattligar avskrivingar v.m.
(avskrivingarlógin).
Málið beint í fíggjarnevndina.
- 1. viðgerð av tingmáli nr. 26/2001: Uppskot
til løgtingslóg um broyting í løgtingslóg um landsskatt og kommunuskatt
(Skattalógin).
Málið beint í fíggjarnevndina.
Málini nr. 25/2001 og 26/2001 vórðu viðgjørd undir.
- 1. viðgerð av tingmáli nr.
33/2001: Uppskot til løgtingslóg um broyting í løgtingslóg um skattafría
samanlegging o.a.
Málið beint í fíggjarnevndina.
- 1. viðgerð av tingmáli nr. 34/2001: Uppskot
til løgtingslóg um broyting í løgtingslóg um landsskatt og kommunuskatt
(Skattalógin).
Málið beint í fíggjarnevndina.
- 1. viðgerð av tingmáli nr.
35/2001: Uppskot til løgtingslóg um skatt av kapitalvinningi
(Kapitalvinningsskattalógin).
Málið beint í fíggjarnevndina.
Málini nr. 33/2001, 34/2001 og 35/2001 vórðu viðgjørd undir einum.
- Framløga.
Formaðurin boðaði frá, at Jenis av Rana, løgtingsmaður, vegna Miðflokkin, hevur
lagt fram tingmál nr. 36/2001:
Uppskot til løgtingslóg um broyting í løgtingslóg um áseting av skatti, og at
trivnaðarnevndin hevur lagt fram álit í tingmálunum nr. 16/2001:
Uppskot til samtyktar um langtíðarætlan viðvíkjandi bústaðarviðurskiftum hjá
fólki, sum bera brek, og nr. 23/2001:
Uppskot til løgtingslóg um avtøku av løgtingslóg um býti av Føroya parti av løn
kommunulækna.
Formaðurin fráboðaði hesar fyrispurningar:
Nr. 100-39/2001
til Høgna Hoydal, landsstýrsmann í lógarmálum, frá Finni Helmsdal, løgtingsmanni,
viðvíkjandi rúsevnisnýtslu í Føroyum, og
nr. 100-40/2001
til Sámal Petur í Grund, landsstýrismann í almannamálum, frá Finni Helmsdal,
løgtingsmanni, viðvíkjandi serligari lóggávu um brek og brekað
Formaðurin setti næsta fund at verða mikudagin 28. november 2001 kl. 13.30, við
hesi dagsskrá:
- Munnligur fyrispurningar.
- Bjarni Djurholm, landsstýrismaður, leggur fram tingmál nr. 101-4/2001:
Frágreiðing frá landsstýrismanninum í vinnumálum sambært § 51, stk. 4 í
tingskipanini um uppskot til KT-vinnupolitik.
Orðaskifti um frágreiðingina verður týsdagin 4. desember 2001.
- Atkvøðugreiðsla um fyrispurning nr.
100-39/2001 til Høgna Hoydal, landsstýrsmann í lógarmálum, frá Finni Helmsdal,
løgtingsmanni, viðvíkjandi rúsevnisnýtslu í Føroyum.
- Atkvøðugreiðsla um fyrispurning nr. 100-40/2001 til
Sámal Petur í Grund, landsstýrismann í almannamálum, frá Finni Helmsdal,
løgtingsmanni, viðvíkjandi serligari lóggávu um brek og brekað.
- 1. viðgerð av tingmáli nr. 31/2001: Uppskot
til løgtingslóg um broyting í løgtingslóg um yrkisskúlar.
Málið verður beint í mentanarnevndina.
- 1. viðgerð av tingmáli nr. 32/2001:
Uppskot til ríkislógartilmæli um at seta í gildi fyri Føroyar "lov om
behandling af personoplysinger".
Málið beint í rættarnevndina.
- Framløga.
Fundur lokin kl. 16.50.
Finnbogi Ísakson
løgtingsformaður
/Marius Rein
skrivari