Ár 2001, mikudagin 24. oktober, kl. 13.30, varð tingfundur settur í útvarpshøllini.

Løgtingsmenninir Ingi Olsen, Edmund Joensen og Signar á Brúnni, Sámal Petur í Grund, landsstýrismaður, og ríkisumboðsmaðurin vóru ikki á fundi.

Formaðurin boðaði frá, at Óli Breckmann í skrivi, dagfest 23. oktober 2001, boðar frá, at hann tekur sæti á tingi aftur 24. oktober 2001.

Til viðgerðar:

1. Atkvøðugreiðsla um fyrispurning nr. 100-27/2001 til Anfinn Kallsberg, løgmann, frá Vilhelm Johannesen, løgtingsmanni, viðvíkjandi spekulasjón í sambandi við sølu av fiskiloyvum.
   Samtykt uttan atkvøðugreiðslu, at fyrispurningurin skal svarast.
   
2. Atkvøðugreiðsla um fyrispurning nr. 100-29/2001 til Anfinn Kallsberg, løgmann, frá Vilhelm Johannesen, løgtingsmanni, viðvíkjandi avgerðum í sambandi við skúlamálið á Trøllanesi.
   Samtykt uttan atkvøðugreiðslu, at fyrispurningurin skal svarast.
   
3. Bjarni Djurholm, landsstýrismaður, svaraði fyrispurningi nr. 100-13/2001 frá Jenis av Rana, løgtingsmanni, um fyribyrging móti ferðsluvanlukkum.
   Málið avgreitt.
   
4. Óli Holm, landsstýrismaður, svaraði fyrispurningi nr. 100-14/2001 frá Jógvan á Lakjuni, løgtingsmanni, viðv. lurtaragjaldi og framtíðar loftmiðlapolitikki.
   Málið avgreitt.
   
5. Bjarni Djurholm, landsstýrismaður, svaraði fyrispurningi nr. 100-15/2001 frá Marjus Dam, løgtingsmanni, viðvíkjandi siglingini um Vestmannasund.
   Málið avgreitt.
   
6. Framløga.
   Formaðurin boðaði frá, at fíggjarnevndin hevur lagt fram álit í tingmáli nr. 1-2/2001: Uppskot til eykajáttanarlóg fyri september 2001.

Tikið av dagsskrá:
Svar upp á fyrispurning nr. 100-17/2001 til Eyðun Elttør, landsstýrismann í oljumálum, frá Annitu á Fríðriksmørk, løgtingsmanni, um sosial árin frá oljuvinnuni.

Formaðurin setti næsta fund at verða fríggjadagin 26. oktober 2001 kl. 10.00, við hesi dagsskrá:

1. 2. viðgerð av tingmáli nr. 1-2/2001: Uppskot til eykajáttanarlóg fyri september 2001.
2. 3. viðgerð av tingmáli nr. 10/2001: Uppskot til løgtingslóg um broyting í løgtingslóg um kringvarp.
3. Svar upp á fyrispurning nr. 100-18/2001 til Bjarna Djurholm, landsstýrismann, frá Jóannes Eidesgaard, løgtingsmanni, um landsvegin í Øravík.
4. Svar upp á fyrispurning nr. 100-19/2001 til Sámal Petur í Grund, landsstýrismann, frá løgtingsmonnunum Jóannes Eidesgaard og Henrik Old viðvíkjandi koyringini til og frá Varda Verkstaðnum á Bakka í Vági.
5. Framløga.

 Fundur lokin kl. 17.05 

Finnbogi Ísakson
løgtingsformaður

/Marius Rein
skrivari