Ár 2001, týsdagin 9. oktober, kl. 10.00, varð tingfundur settur í útvarpshøllini.

Farloyvi:
Skriv frá Jákup Suna Joensen, dagfest 8. oktober 2001, við umsókn um farloyvi frá 9. oktober 2001 til og við 28. oktober 2001, og at næsti maður á lista Fólkafloksins í Norðstreymoyar valdømi tekur sæti á tingi. Samtykt uttan atkvøðugreiðslu, at Ingi Olsen, ið áður hevur verið á tingi, skal taka sæti fyri Jákup Suna Joensen.

Skriv frá Jenis av Rana, dagfest 9. oktober 2001, við umsókn um farloyvi frá 9. oktober 2001 til og við 18. oktober 2001, og at næsti maður á lista Miðfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Álvur Kirke, ið áður hevur verið á tingi, skal taka sæti fyri Jenis av Rana.

Formaðurin boðaði frá, at Jóannes Eidesgaard í skrivi, dagfest 9. oktober 2001, boðar frá, at hann tekur sæti á tingi aftur í dag.

Til viðgerðar:

1. Atkvøðugreiðsla um fyrispurning nr. 100-20/2001 til Anfinn Kallsberg, løgmann, frá Finni Helmsdal, løgtingsmanni, viðvíkjandi økismenningarpolitikki landsstýrisins.
   Samtykt uttan atkvøðugreiðslu, at fyrispurningurin skal svarast.
   
2. 1. viðgerð av tingmáli nr. 1-1/2001: Uppskot til løgtingsfíggjarlóg fyri 2002.
   

Fundur niðurlagdur 12.05.
Fundur uppafturtikin kl. 13.30.
Fundur niðurlagdur kl. 18.05.

Fundur uppafturtikin mikudagin, 10. oktober 2001, kl. 10.00.

Fundur niðurlagdur kl. 11.55.
Fundur uppafturtikin kl. 13.30.
Fundur niðurlagdur kl. 17.30.

Fundur uppafturtikin hósdagin, 11. oktober 2001, kl. 10.00.

Fundur niðurlagdur kl. 11.55.
Fundur uppafturtikin kl. 13.30.


Málið beint í fíggjarnevndina.

3. Framløga.
   Formaðurin boðaði frá, at Óli Holm, landsstýrismaður, vegna landsstýrið, hevur lagt fram tingmál nr. 10/2001: Uppskot til løgtingslóg um broyting í løgtingslóg um kringvarp.

Farloyvi:
Skriv frá Óla Breckmann, dagfest 11. oktober 2001, við umsókn um farloyvi frá 12. oktober 2001, og at næsti maður á lista Fólkafloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Katrin D. Johansen, ið áður hevur verið á tingi, skal taka sæti fyri Óla Breckmann.

Formaðurin setti næsta fund at verða týsdagin 16. oktober 2001, kl. 13.30, við hesi dagsskrá:

1. Atkvøðugreiðsla um fyrispurning nr. 100-21/2001 til Karsten Hansen, landsstýrismann, frá Hergeir Nielsen, løgtingmanni, viðvíkjandi uttanlandsfrádrátti hjá handverkarum.
2. 3. viðgerð av tingmáli nr. 3/2001: Uppskot til løgtingslóg um postvirksemi.
3. 2. viðgerð av tingmáli nr. 6/2001: Uppskot til løgtingslóg um fyribils úrgildissetan av løgtingslógini um serligt avgjald á brenniolju.
4. 1. viðgerð av tingmáli nr. 9/2001: Uppskot til samtyktar um at skapa lógarheimild fyri samhaldsføstum eftirlønargrunnum.
   Málið verður beint í vinnunevndina.
5. 1. viðgerð av tingmáli nr. 10/2001: Uppskot til løgtingslóg um broyting í løgtingslóg um kringvarp.
   Málið verður beint í mentanarnevndina.
6. Svar upp á fyrispurning nr. 100-8/2001 til Óla Holm, landsstýrismann, frá Heðin Mortensen, løgtingsmanni, viðvíkjandi ítróttarháskúla og frælsum ítróttarøki í Hoydølum.
7. Framløga.

 Fundur lokin kl. 19.45. 

Finnbogi Ísakson
løgtingsformaður

/Marius Rein
skrivari