Ár 2001, fríggjadagin 28. september, kl. 10.00, varð tingfundur settur í útvarpshøllini.

Løgtingsmenninir Katrin D. Jakobsen, Marjus Dam og Heðin Mortensen og Høgni Hoydal, landsstýrismaður, vóru ikki á fundi.

Til viðgerðar:

1. Atkvøðugreiðsla um fyrispurning nr. 100-17/2001 til Eyðun Elttør, landsstýrismann í oljumálum, frá Annitu á Fríðriksmørk, løgtingsmanni, um sosial árin frá oljuvinnuni.
   Samtykt uttan atkvøðugreiðslu, at fyrispurningurin skal svarast.
   
2. 3. viðgerð av tingmáli nr. 5/2001: Uppskot til løgtingslóg um at taka yvir málini og málsøkini á lista A í heimastýrislógini (Yvirtøkulógin).
   Uppskotið, sum samtykt við 2. viðgerð, endaliga samtykt 19-0-10.
   Málið avgreitt.
   

Fundur niðurlagdur kl. 12.25.
Fundur uppafturtikin kl. 13.30.

3. 2. viðgerð av tingmáli nr. 4/2001: Uppskot til samtyktar um at seta pening í grunn til hækkan av pensjónum.
   Uppskot til samtyktar fall 11-0-17. Málið sostatt fallið.
   Málið avgreitt.
   
4. 2. viðgerð av tingmáli nr. 3/2001: Uppskot til løgtingslóg um postvirksemi.
   Broytingaruppskot frá meirilutanum í vinnunevndini, Heina O. Heinesen, Jákup Suna Joensen, Jógvan á Lakjuni og Kára P. Højgaard, til § 23 samtykt 18-10-0. Uppskotið soleiðis broytt samtykt 17-0-11. Uppskotið fer soleiðis samtykt til 3. viðgerð.

Farloyvi:
Skriv frá Jóannes Eidesgaard, dagfest 28. september 2001, við umsókn um farloyvi frá 29. september 2001, og at næsti maður á lista Javnaðarfloksins í Suðuroyar valdømi tekur sæti á tingi. Samtykt uttan atkvøðugreiðslu, at Mikkjal Sørensen, ið áður hevur verið á tingi, skal taka sæti fyri Jóannes Eidesgaard.

5. Sámal Petur í Grund, landsstýrismaður, svaraði fyrispurningi nr. 100-7/2001 frá Lisbeth L. Petersen, løgtingsmanni, um játtan til sjúkrahúsverkið.
   Málið avgreitt.
   
6. Framløga.
   Formaðurin boðaði frá, at Karsten Hansen, landsstýrismaður, vegna landsstýrið, hevur lagt fram tingmál nr. 1-1/2001: Uppskot til løgtingsfíggjarlóg fyri 2002.

Tikið av dagsskrá:
2. viðgerð av tingmáli nr. 6/2001: Uppskot til løgtingslóg um fyribils úrgildissetan av løgtingslógini um serligt avgjald á brenniolju.

Formaðurin fráboðaði hesar fyrispurningar:
Nr. 100-18/2001 til Bjarna Djurholm, landsstýrismann, frá Jóannes Eidesgaard, løgtingsmanni, um landsvegin í Øravík, og
nr. 100-19/2001 til Sámal Petur í Grund, landsstýrismann, frá løgtingsmonnunum Jóannes Eidesgaard og Henrik Old viðvíkjandi koyringini til og frá Varda Verkstaðnum á Bakka í Vági.

Formaðurin setti næsta fund at verða mikudagin 3. oktober 2001, kl. 13.30, við hesi dagsskrá:

1. Ófráboðaðir fyrispurningar.
2. Atkvøðugreiðsla um fyrispurning nr. 100-18/2001 til Bjarna Djurholm, landsstýrismann, frá Jóannes Eidesgaard, løgtingsmanni, um landsvegin í Øravík.
3. Atkvøðugreiðsla um fyrispurning nr. 100-19/2001 til Sámal Petur í Grund, landsstýrismann, frá løgtingsmonnunum Jóannes Eidesgaard og Henrik Old viðvíkjandi koyringini til og frá Varda Verkstaðnum á Bakka í Vági.
4. 1. viðgerð av tingmáli nr. 7/2001: Uppskot til samtyktar um ríkislógartilmæli um heildarveiting til Føroya í 2002 og uppskot til løgtingslóg um leiðbeinandi fólkaatkvøðu um sama ríkislógartilmæli.
5. 1. viðgerð av tingmáli nr. 9/2001: Uppskot til samtyktar um at skapa lógarheimild fyri samhaldsføstum eftirlønargrunnum.
6. Framløga.

 Fundur lokin kl. 17.10. 

Finnbogi Ísakson
løgtingsformaður

/Marius Rein
skrivari