Ár 2000, mikudagin 25. oktober, kl. 13.30, varð tingfundur settur í útvarpshøllini.

Løgtingsmenninir Eyðun Viderø, Óli Breckmann, Jógvan Lützen, Jóannes Eidesgaard, Álvur Kirke, Sámal Petur í Grund, Heini O. Heinesen og Hergeir Nielsen, løgmaður, landsstýrismenninir Jørgen Niclasen, Høgni Hoydal, Karsten Hansen og Helena Dam á Neystabø, og Ríkisumboðsmaðurin vóru ikki á fundi.

Farloyvi:
Skriv frá Signar á Brúnni, dagfest 24. oktober 2000, við umsókn um farloyvi frá 27. oktober 2000 vegna luttøku á ST-aðalfundi, og at næsti maður á lista Tjóðveldisfloksins í Eysturoyar valdømi tekur sæti á tingi. Samtykt uttan atkvøðugreiðslu, at Hans Tausen Olsen, ið áður hevur verið á tingi, skal taka sæti fyri Signar á Brúnni.

Til viðgerðar:

1. Eyðun Elttør, landsstýrismaður, svaraði fyrispurningi nr. 100-17/2000 frá Annitu á Fríðriksmørk, løgtingsmanni, viðvíkjandi samskipan av umhvørvismálum.
   Málið avgreitt.
   
2. Atkvøðugreiðsla um fyrispurning nr. 100-26/2000 til Bjarna Djurholm, landsstýrismann, frá Eyðun Viderø, løgtingsmanni, viðvíkjandi aliloyvi á Sands vág.
   Samtykt uttan atkvøðugreiðslu, at fyrispurningurin skal svarast.
   
3. Atkvøðugreiðsla um fyrispurning nr. 100-27/2000 til Bjarna Djurholm, landsstýrismann, frá Jógvan Durhuus, løgtingsmanni, viðvíkjandi Fossábrúnni í Vestmanna.
   Samtykt uttan atkvøðugreiðslu, at fyrispurningurin skal svarast.
   
4. Tórbjørn Jacobsen, landsstýrismaður, svaraði fyrispurningi nr. 100-18/2000 frá Annitu á Fríðriksmørk, løgtingsmanni, viðvíkjandi mentanini, nú oljuvinnan vindur upp á seg.
   Málið avgreitt.
   
5. Bjarni Djurholm, landsstýrismaður, svaraði fyrispurningi nr. 100-14/2000 frá Jákup Sverra Kass, løgtingsmanni, viðvíkjandi tax-free sølu á flogvøllinum í Vágum.
   Málið avgreitt.
   

Formaðurin setti næsta fund at verða týsdagin 31. oktober 2000, kl. 13.30, við hesi dagsskrá:

1. Ófráboðaðir fyrispurningar.
2. 1. viðgerð av tingmáli nr. 8/2000: Uppskot til løgtingslóg um broyting í løgtingslóg um avgjald av framleiðslu og innfluttningi.
   Málið verður beint í fíggjarnevndina.
3. Svar upp á fyrispurning nr. 100-15/2000 til Karsten Hansen, landsstýrismann, frá Jákup Sverra Kass, løgtingsmanni, viðvíkjandi tax-free sølu á flogvøllinum í Vágum.
4. Svar upp á fyrispurningnr. 100-19/2000 til Anfinn Kallsberg, løgmann, frá Heðin Mortensen, løgtingsmanni, viðvíkjandi kommunalum sjálvræði.
5. Svar upp á fyrispurning nr. 100-21/2000 til Karsten Hansen, landsstýrismann, frá Heðin Mortensen, løgtingsmanni, viðvíkjandi avgjaldi á trygdarútgerð.
6. Framløga.

 Fundur lokin kl. 16.35. 

Finnbogi Ísakson
løgtingsformaður

/Marius Rein
skrivari