Ár 2000, týsdagin 24. oktober, kl. 13.30, varð tingfundur settur í útvarpshøllini.

Løgtingsmenninir Jógvan Lützen, Sámal Petur í Grund og Signar á Brúnni, og Ríkisumboðsmaðurin vóru ikki á fundi.

Til viðgerðar:

1. Atkvøðugreiðsla um fyrispurning nr. 100-25/2000 til Tórbjørn Jacobsen, landsstýrismann, frá Álvi Kirke, løgtingsmanni, viðvíkjandi frí- og eftirskúlum.
   Samtykt uttan atkvøðugreiðslu, at fyrispurningurin skal svarast.
   
2. Karsten Hansen, landsstýrismaður, svaraði fyrispurningi nr. 100-11/2000 frá Jákup Sverra Kass, løgtingsmanni, viðvíkjandi eini komandi oljuvinnu.
   Málið avgreitt.
   
3. Bjarni Djurholm, landsstýrismaður, svaraði fyrispurningi nr. 100-12/2000 frá Jákup Sverra Kass, løgtingsmanni, viðvíkjandi skaðiligum árinum, sum kunnu standast av fartelefonum.
   Málið avgreitt.
   
4. Løgmaður svaraði fyrispurningi nr. 100-16/2000 frá Annitu á Fríðriksmørk, løgtingsmanni, viðvíkjandi bygnaðarbroytingum í landsumsitingini.
   Málið avgreitt.
   
5. Bjarni Djurholm, landsstýrismaður; svaraði fyrispurningi nr. 100-20/2000 frá Eyðun Viderø, løgtingsmanni, viðvíkjandi grótkastinum við bátahylin í Skálavík.
   Málið avgreitt.
   
6. Framløga.
   Formaðurin boðaði frá, at Henrik Old, løgtingsmaður, hevur lagt fram tingmál nr. 8/2000: Uppskot til løgtingslóg um broyting í løgtingslóg um avgjald av framleiðslu og innflutningi.

Formaðurin fráboðaði fyrispurning nr. 100-26/2000 til Bjarna Djurholm, landsstýrismann, frá Eyðun Viderø, løgtingsmanni, viðvíkjandi aliloyvi á Sands vág og fyrispurning nr. 100-27/2000 til Bjarna Djurholm, landsstýrismann, frá Jógvan Durhuus, løgtingsmanni, viðvíkjandi Fossábrúnni í Vestmanna.

Formaðurin setti næsta fund at verða mikudagin 25. oktober 2000, kl. 13.30, við hesi dagsskrá:

1. Atkvøðugreiðsla um fyrispurning nr. 100-26/2000 til Bjarna Djurholm, landsstýrismann, frá Eyðun Viderø, løgtingsmanni, viðvíkjandi aliloyvi á Sands vág.
2. Atkvøðugreiðsla um fyrispurning nr. 100-27/2000 til Bjarna Djurholm, landsstýrismann, frá Jógvan Durhuus, løgtingsmanni, viðvíkjandi Fossábrúnni í Vestmanna.
3. Svar upp á fyrispurning nr. 100-17/2000 til Eyðun Elttør, landsstýrismann, frá Annitu á Fríðriksmørk, løgtingsmanni, viðvíkjandi samskipan av umhvørvismálum
4. Svar upp á fyrispurning nr. 100-18/2000 til Tórbjørn Jacobsen, landsstýrismann, frá Annitu á Fríðriksmørk, løgtingsmanni, viðvíkjandi mentanini, nú oljuvinnan vindur upp á seg
5. Svar upp á fyrispurning nr. 100-14/2000 til Bjarna Djurholm, landsstýrismann, frá Jákup Sverra Kass, løgtingsmanni, viðvíkjandi tax-free sølu á flogvøllinum í Vágum.
6. Framløga.

 Fundur lokin kl. 17.55. 

Finnbogi Ísakson
løgtingsformaður

/Marius Rein
skrivari