Ár 2000, fríggjadagin 25. august, kl. 13.30, varð tingfundur settur.

Løgtingsmenninir Jenis av Rana, Heðin Mortensen, Marjus Dam og Annita á Fríðriksmørk, landsstýrismenninir Jørgen Niclasen, Tórbjørn Jacobsen, Helena Dam á Neystabø og Eyðun Elttør, og Ríkisumboðsmaðurin vóru ikki á fundi.

Til viðgerðar:

1. Framløga
   Formaðurin boðaði frá, at fíggjarnevndin hevur lagt fram álit í tingmáli nr. 1-2/2000: Uppskot til eykajáttanarløgtingslóg august 2000.

Formaðurin fráboðaði fyrispurning nr. 100-7/2000 til Anfinn Kallsberg, løgmann, frá Jóannes Eidesgaard og Edmund Joensen, løgtingsmonnum, viðvíkjandi brævi, sum Løgmansskrivstovan hevur sent til Sameindu Tjóðir og fyrispurning nr. 100-8/2000 til Torbjørn Jacobsen, landsstýrismann, frá Katrin Dahl Jakobsen, løgtingsmanni, viðvíkjandi bústaðartrupulleikum hjá lesandi.

Frávik
Formaðurin bað um frávik, sambært § 85 í tingskipanini, frá tíðarfreistunum millum framløgu av áliti og millum 2. og møguliga 3. viðgerð av  tingmáli nr. 1-2/2000: Uppskot til eykajáttanarløgtingslóg august 2000.
Samtykt 28-0-0.

Formaðurin setti næsta fund at verða fríggjadagin 25. august 2000, kl. 14.05, við hesi dagsskrá:

1. Atkvøðugreiðsla um fyrispurning nr. 100-7/2000 til Anfinn Kallsberg, løgmann, frá Jóannes Eidesgaard og Edmund Joensen, løgtingsmonnum, viðvíkjandi brævi, sum Løgmansskrivstovan hevur sent til Sameindu Tjóðir.
2. Atkvøðugreiðsla um Fyrispurningur nr. 100-8/2000 til Tórbjørn Jacobsen, landsstýrismann, frá Katrin Dahl Jakobsen, løgtingsmanni, viðvíkjandi bústaðartrupulleikum hjá lesandi
3. 2. viðgerð av tingmáli nr. 1-2/2000: Uppskot til eykajáttanarløgtingslóg august 2000
4. Framløga.

 Fundur lokin kl. 14.00. 

Finnbogi Ísakson
løgtingsformaður

/Marius Rein
skrivari